ގިނަ ބައެއްގެ މަގުބޫލުކަން ހޯދާފައިވާ ހޮލީވުޑްގެ ކާމިޔާބު އެކްޓަރު ޖޯޖް ކްލޫނީގެ ސިއްހީ ހާލަތު ގޯސްވެ ފަރުވާ ދެމުން އަންނަ ކަމަށް މީޑިއާ ރިޕޯޓުތައް ބުނެފި އެވެ.

މިދިޔަ ހަފްތާ ތެރޭގައި ބޭއްވި ވެނިސް ފިލްމް ފެސްޓިވަލްގެ ނޫސްވެރިންގެ ބައްދަލުވުމުގެ އިތުރުން ވެސް ހޮލީވުޑްގެ ހަފްލާތަކަކަކުން ޖޯޖް ފެނިފައިނުވާއިރު އޭނާގެ ތަރުޖަމާނަކު ވަނީ އޭނާ ބަލިވެ އުޅޭކަން ޔަގީން ކޮށްދީފަ އެވެ.

އެގޮތުން އުމުރުން 64 އަހަރު ޖޯޖްއަށް ސައިނަސް އިންފެކްޝަންއެއް ޖެހި ފަރުވާ ހޯދަމުން އަންނަ ކަމަށް އޭނާގެ ޓީމުން މީޑިއާއަށް މައުލޫމާތު ދިނެވެ.

"ސައިނަސް އިންފެކްޝަންއެއް ޖެހި ޑޮކްޓަރުންގެ ލަފާގެ މަތިން ޖޯޖް ވަނީ މިވަގުތަށް ހުރި މަސައްކަތްތައް މަޑު ޖައްސާލާފައި" ޖޯޖްގެ ތަރުޖަމާނަކު ބުނެފައިވެ އެވެ.

އެހެން ނަމަވެސް އޭގެ ފަހުން ވެނިސް ފިލްމު ފެސްޓިވަލްގެ ރެޑް ކާޕެޓުން ޖޯޖްއާއި އޭނާގެ އަންހެނުން އަމާލް ކްލޫނީ ފެނިގެންދިޔަ އެވެ.

ޖޯޖްއަށް ސައިނަސް އިންފެކްޝަން ޖެހުނީ ކޮން އިރަކު ކަމެއް ޔަގީން ނުވާއިރު އާއްމު ގޮތެއްގައި އެ ކަހަލަ އިންފެކްޝަންއެއް ރަނގަޅުވާން 10-7 ދުވަހާ ދެމެދުގެ މުއްދަތެއް ނަގަ އެވެ.