ކުޑަކުދިންގެ ބަގީޗާ ތެރޭގައި ހުރި ދޫނި ކޮއްޓަކުން ދޫންޏެއް ވަގަށް ނަގާފައިވާ މައްސަލައާ ގުޅިގެން މީހަކު ހޯދަން އިއުލާނު ކޮށްފި އެވެ.

ފުލުހުން ބުނީ 12 މެއި ވަނަ ދުވަހު ކުޑަކުދިންގެ ބަގީޗާ ތެރޭގައި ހުރި ދޫނި ކޮއްޓަކުން ދޫންޏެއް ވަގަށް ނަގާފައިވާ މައްސަލައާ ގުޅިގެން ފުލުހުންގެ ޖެނެރަލް އިންވެސްޓިގޭޝަން ޑިޕާޓުމެންޓުން ބަލަމުންދާ މައްސަލައަކާ ގުޅިގެން ހޯދަމުންދާ މީހާ އާ ގުޅޭ އެއްވެސް މަޢުލޫމާތެއް ލިބިފައިވާނަމަ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696 އަށް ގުޅައި މައުލޫމާތު ހިއްސާ ކުރަން އެދޭ ކަމަށެވެ.

މިއަދު ވަނީ ކުޑަކުދިންގެ ބަގީޗާއިން ދޫންޏެއް ވަގަށް ނަގައިގެން މީހަކު ނިކުންނަ ވީޑިއޯއެއް ވަނީ އާންމުކޮށްފަ އެވެ.

https://www.youtube.com/watch?v=MWcQrOycPRA&t=1s

މައްސަލައިގެ އިންސިޓެންޑް ނަންބަރަކީ 486858 އެވެ.

މިފަދަ ކަންކަމުގައި ރައްޔިތުންގެ ފަރާތުން ލިބޭ އެއްބާރުލުމަށް ފުލުހުން ވަނީ ޝުކުރު އަދާކޮށްފަ އެވެ.