ވެންޓިލޭޓަރުތަކުގެ މައްސަލާގައި ހެލްތު މިނިސްޓަރު އަބްދުﷲ އަމީންގެ މައްޗަށް އިތުބާރު އޮތް ކަމަށް އެމްޑީޕީގެ ޕީޖީ ގްރޫޕުން ނިންމައިފި އެވެ.

އަމީންގެ މައްޗަށް އިތުބާރު ނެތް ކަމަށް ރައްޔިތުންގެ މަޖިލީހަށް ހުށަހެޅުމަށް ނުފެންނަ ކަމަށް 31 މެމްބަރަކު ވޯޓުދެއްވާފައިވެ އެވެ.

އެ މައްސަލާގައި އިތުބާރު ނެތް ކަމަށް ހުށަހަޅަން 27 މެމްބަރަކު ވޯޓު ދެއްވި އެވެ.

އެމްޑީޕީގެ އަސާސީ ގަވައިދުގައިވާ ގޮތުން ވަޒީރެއްގެ އިތުބާރު ނެތްކަމުގެ ވޯޓު ނަގަން މަޖިލީހަށް ވެއްދޭނީ ޕީޖީ ގްރޫޕަށް ހުށަހަޅައި ފާސްކޮށްގެންނެވެ.

އަމީންގެ މައްޗަށް އިތުބާރު އޮތްކަމަށް ޕީޖީ ގްރޫޕުން ނިންމިއިރު، ކޮވިޑާ ގުޅިގެން 75 ވެންޓިލޭޓަރު ގެނައުމުގައި ކޮރަޕްޝަނަށް މަގުފަހިވާގޮތަށް އަމަލުކޮށްފައިވާ ކަމަށް ތުހުމަތުކޮށް އޭސީސީން ދައުވާކުރަން ފޮނުވުމުން ޕްރޮސެކިއުޓާ ޖެނެރަލް ވަނީ ދައުވާ ނުކުރަން ނިންމައިފަ އެވެ.