ކުޑަކުދިން ކުޅިވަރުގެ ތެރޭގައި އުޅޭ ތަން ފެނުމަކީ ވަރަށް އުފާވާ ކަމެއް ކަމަށާއި ބޭނުންވަނީ އަމިއްލަ ދަރިފުޅުވެސް ފުޓްބޯޅަ ކުޅުމަށް ހިއްވަރު ދޭނެ ކަމަށް ބޮލީވުޑްގެ މަޝްހޫރު އެކްޓަރު ރަންބީރު ކަޕޫރު ބުނެފި އެވެ.

ބޮލީވުޑްގެ އެންމެ މަޝްހޫރު ދެ ތަރިން ކަމަށްވާ ރަންބީރު އާއި އާލިއާ ބަޓްއަށް ދަރިޔަކު ލިބެން އުޅޭކަން އިއުލާނުކޮށްފައިވަނީ މިދިޔަ މަހުގެ 27 ވަނަ ދުވަހު އެވެ.

މިމަހު ރިލީޒްކުރާ ރަންބީރު ފެނިގެންދާ ފިލްމު "ޝަމްޝޭރާ"ގެ ޕްރޮމޯޝަންގެ ތެރެއިން ދުން އިންޓަވިއުއްގައި ރަންބީރު ބުނެފައިވަނީ ކުޑަކުދިން ކުޅިވަރު ކުޅޭ ތަން ފެނުމުން އުފާވާ ކަމަށެވެ. އަދި އަމިއްލަ ދަރިވެސް ކުޅިވަރު ކުޅުމަށް ހިއްވަރުދޭނެ ކަމަށްވެސް އޭނާ ބުންޏެވެ.

"އެއީ އަޅުގަނޑުގެ ދަރިން ލިބުމުން ޚާއްޞަކޮށް ފުޓްބޯޅަ ކުޅެން އަޅުގަނޑުގެ ދަރިންގެ ކިބައިގައި ކަނޑައެޅިގެން ހިތްވަރު ދޭން ބޭނުންވާ ކަމެއް. ފުޓްބޯޅައަކީ އަޅުގަނޑު ވަރަށް ބޮޑަށް ގުޅިފައިވާ ކަމެއް" ރަންބީރު ބުންޏެވެ.

އޭނާ ބުނި ގޮތުގައި ކުޅިވަރަކީ ޖިސްމާނީ ގޮތުންނާއި ނަފުސާނީ ގޮތުން ވެސް މީހާ ހެދި ބޮޑުވުމަށް ވަރަށް މުހިއްމު ކަމަކަށްވާތީ ކުޅިވަރުތަކަށް ކުދިން ހޭނުވުމަކީ ވަރަށް މުހިއްމު ކަމެކެވެ.

ހަތަރު އަހަރަށްވުރެ ގިނަ ދުވަސް ވަންދެން ލޯބީގެ ގޮތުން ގުޅިގެން އުޅުމަށްފަހު އާލިއާއާއި ރަންބީރް ކައިވެނި ކުރީ މިއަހަރުގެ އޭޕްރިލް މަހުގެ 14ވަނަ ދުވަހުގަ އެވެ.