ބޮލީވުޑްގެ ތަރިން ކަމަށްވާ އަލީ ފަޒަލް އާއި ރިޗާ ޗައްދާ އަންނަ ސެޕްޓެމްބަރު މަހު ކައިވެނިކުރަން ތައްޔާރުވެއްޖެ އެވެ.

2012 ވަނަ އަހަރު ނެރުނު ފިލްމު "ފުކްރޭ" ގެ ސެޓުން ފަޒަލް އާއި ރިޗާ ދިމާވެފައިވާއިރު 2020 ވަނަ އަހަރު ވެސް އެ މީހުން ކައިވެނިކުރުމަށް ނިންމި އެވެ. ނަމަވެސް އެފަހަރު ކައިވެނި ލަސްކުރަން ޖެހުނީ ކޮވިޑް ބަލިމަޑުކަމާއި ހެދި އެވެ.

ރިޕޯޓްތައް ބުނާ ގޮތުން ފަޒަލް އާއި ރިޗާ ސެޕްޓެމްބަރުގައި ކައިވެނިކުރަން އުޅޭތީ ދެ ތަރިންނާއި އެ މީހުންގެ އާއިލާތަކުން މިހާރު އަންނަނީ މިކަމުގެ ތައްޔާރީތައްވަމުންނެވެ. އަދި ކައިވެނީގެ ހަފްލާ ދިއްލީ އާއި މުމްބާއީގައި ބޭއްވުމަށް ވަނީ ހަމަޖެހިފަ އެވެ.

https://www.instagram.com/p/CWN3CxXtK83/

އެކީގައި "ފުކްރޭ" ފްރެންޗައިޒްގައި ވެސް މަސައްކަތްކޮށްފައިވާ އަލީ އާއި ރިޗާ ދާދި ފަހުން ވަނީ މީގެ ތިން ވަނަ ބައިގެ ޝޫޓިން ވެސް ނިންމައިފަ އެވެ. ރިޗާ ބުނި ގޮތުގައި ފަޒަލް ކައިވެންޏަށް ޕްރޮޕޯޒްކުރީ ދެ މީހުން އެކީގައި 2018 ގެ ތެރޭގައި ރާއްޖެ އަށް ކުރި ޗުއްޓީ ދަތުރުގެ ތެރޭގަ އެވެ.

https://www.instagram.com/p/CVFqte3KEEY/

ފަޒަލް އަކީ ބޮލީވުޑްގެ ފިލްމުތަކުގެ އިތުރުން ހޮލީވުޑް ފިލްމުތަކުގައިވެސް މަސައްކަތް ކޮށްފައިވާ ފަންނާނެކެވެ. އެގޮތުން "ފާސްޓް އެންޑް ފިއުރިއަސް 7" އާއި "ވިކްޓޯރިއާ އެންޑް އަބްދުލް" އަދި "ޑެތު އިން ދަ ނައިލް" ފަދަ ހޮލީވުޑްގެ ފިލްމުތަކުން އޭނާ ވަނީ ފެނިގެން ގޮސްފަ އެވެ.