ބޮލީވުޑްގެ ލަވަކިޔުންތެރިޔާ ރާހުލް ޖައިންގެ މައްޗަށް ރޭޕްގެ ތުހުމަތުކޮށް އޭނާގެ މައްސަލަ ފުލުހުންނަށް ހުށަހަޅައިފި އެވެ.

ރާހުލްގެ މައްޗަށް މިފަހަރު ރޭޕްގެ ތުހުމަތުކޮށްފައިވަނީ އުމުރުން 30 އަހަރުގެ ކޮސްޓިއުމް ސްޓައިލިސްޓެއްކެވެ.

ފުލުހުން ބުނީ މިމައްސަލަ ފުލުހުންނަށް ހުށަހަޅާފައިވަނީ މިދިޔަ ހޯމަ ދުވަހު ކަމަށެވެ.

އެއަންހެން މީހާ އާއި ހަވާލާދީ ފުލުހުން ބުނީ މިމަހު 11 ވަނަ ދުވަހު ރާހުލްގެ ކޮސްޓިއުމް ޑިޒައިނަރަކަށް ހަދަން ބޭނުންވާ ކަމަށް ބުނެ ރާހޫލްގެ ފްލެޓަށް އައުމަށް ދައުވަތު ދިން ކަމަށެވެ. އެ ގެއަށް ދިޔުމުން އޭނާގެ ހެދުންތައް ދެއްކުމުގެ ބަހަނާގައި ކޮޓަރިއަށް ގެންދިޔަ ކަމަށާއި އެތަނުގައި އޭނާ ރޭޕްކުރީ ކަމަށްވެސް ފުލުހުން ވަނީ ބުނެފަ އެވެ.

ރާހުލް ވަނީ އޭނާގެ މައްޗަށް ކޮށްފައިވަނީ "ފޭކް އަދި އަސާސެއް ނެތް" ތުހުމަތުތަކެއް ކަމަށް ބުނެ އެ ތުހުމަތުތައް ދޮގުކޮށްފަ އެވެ.

''އެއީ ކޮން އަންހެނެއް ކަމެއް ވެސް އަހަރެންނަކަށް ނޭނގެ. އަހަރެންނާއި ބެހޭގޮތުން އެ ދައްކާ ވާހަކަތަކަކީ އެއްވެސް ހަގީގަތެއް ނެތް ދޮގު ވާހަކަތަކެއް. މީގެ ކުރިން ވެސް އަހަރެންނަށް ރޭޕްގެ ތުހުމަތެއް ކުރެވުނެ. ނަމަވެސް އެކަމުން އަހަރެންނަށް އިންސާފު ލިބުނު. އަހަރެންނަށް ހީވަނީ މިއީ އެކަމާ ގުޅުން ހުރި އަންހެނެއްހެން'' ރާހޫލް ބުނެފައިވެ އެވެ.

https://www.instagram.com/p/Cgb1RoVpkwj/?hl=en

ފުލުހުން ބުނި ގޮތުގައި އެ އަންހެން މީހާ މަސައްކަތް ކުރަނީ ފްރީލާންސް ކޮސްޓިއުމް ސްޓައިލިސްޓެއްގެ ގޮތުގަ އެވެ.

އެ އަންހެން މީހާ ބުނީ ރާހުލް ޖައިން އޭނާއާ ދެކޮޅު ހެދުމުން އޭނާއަށް އަނިޔާކުރި ކަމަށެވެ. އަދި ހެކި ނައްތާލަން ވެސް މަސައްކަތް ކުރެއްވި ކަމަށްވެސް އޭނާ ބުނެ އެވެ.