މިދިޔަ އޮކްޓޯބަރު މަހު ރިލީޒްކޮށް ޕާކިސްތާނުގައި ބޮޑު ކާމިޔާބީއެއް ހޯދާފައިވާ "ދަ ލަޖެންޑް އޮފް މޯލާ ޖަޓް" މިމަހުގެ ފަހުކޮޅު އިންޑިއާގެ ސިނަމާތަކުގައި އަޅުވަން ނިންމައިފި އެވެ.

ބޮލީވުޑްގެ ފިލްމުތަކުން ވެސް ފެނިގެންދިޔައި ޕާކިސްތާން ދެ އެކްޓަރުން ކަމަށްވާ ފަވާދު ހާން އާއި މާހިރާ ހާން އެކުގައި ފެނިގެންދިޔަ މި ފިލްމަކީ "ދަ ލެޖެންޑް އޮފް މޯލާ ޖަޓް" އެވެ. މި ފިލްމަކީ ޕާކިސްތާނުގެ ސިނަމާތަކުގައި އަޅުވައިގެން ބޮޑު އާމްދަނީ އެއް ހޯދި ފިލްމެކެވެ.

އޮކްޓޯބަރު 13 ގައި ރިލީޒްކުރި "ދަ ލަޖެންޑް އޮފް މޯލާ ޖަޓް" އަކީ ބިލާލު ލަޝާރީ ޑައިރެކްޓްކުރި ޕީރިއަޑް އެކްޝަން ޑްރާމާއެކެވެ. މިއީ 1979 ގެ ކަލްޓް ކްލަސިކް "މޯލާ ޖަޓް" ގެ ރިމޭކެކެވެ. އާ ފިލްމަށް މިހާތަނަށް އެކި ހިސާބުތަކުން 9.2 މިލިއަން ޑޮލަރުގެ އާމްދަނީއެއް ލިބިފައިވެ އެވެ.

https://www.youtube.com/watch?v=pEWqOAcYgpQ

ބޮލީވުޑްގެ ތިން ފިލްމެއް ފަވާދު ކުޅުނުއިރު އޭނާ ކުޅުނި ފިލްމުތަކަކީ 2016 ވަނަ އަހަރު ގެނެސްދިން ފިލްމު "ކަޕޫރު އެންޑް ސަންސް" އަދި ހަމަ އެއަހަރު ސިނަމާތަކަށް ގެނެސްދިން ކާމިޔާބު ފިލްމު "އޭ ދިލް ހޭ މުޝްކިލް" ގެ އިތުރުން 2014 ވަނަ އަހަރު ގެނެސްދިން "ހުބްސޫރަތު" އެވެ.

ބަތަލާ މާހިރާ ހާން ބޮލީވުޑަށް ނުކުތީ ޝާހްރުކްހާން އާއެކު "ރައީސް" އިންނެވެ. އެ ފިލްމު ސިނަމާތަކަށް ގެނެސްދިނީ 2016 ވަނަ އަހަރުގަ އެވެ.