"ބިގްބޮސް އޯޓީޓީ 1" އިން ބޮޑު މަޝްހޫރުކަމެއް ލިބިގެންދިޔަ އިންޑިއާގެ ޓީވީ އެކްޓްރެސް އުފްރީ ޖާވިދު ވަރަށް ސިއްރުން އެންގޭޖްވެއްޖެ ކަމަށް މީޑިއާ ރިޕޯޓްތައް ބުނެފި އެވެ.

މިމަހު 15 ގައި 26 އަހަރު ވާ އުރްފީ އަކީ ސްޓާ ޕްލަސް އިން ދެއްކި "މޭރީ ދުރްގާ" އާއި "ޗަންދުރަ ނަންދިނީ" އަދި "ބޭޕަނާ" ކަހަލަ ޑްރާމާތަކުން ފެނުނު ޓީވީ ތަރިއެކެވެ. އޭނާގެ ނަން އެންމެ ބޮޑަށް މަޝްހޫރުވީ 2021 އަހަރު "ބިގްބޮސް އޯޓީޓީ"ގެ ފުރަތަމަ ސީޒަންގައި ބައިވެރިވި ފަހުންނެވެ.

އުރްފީ އެންގޭޖްވި ހަފްލާގެ ތެރެއިން

އުރުފީ ޖާވިދުގެ އެންގޭޖްވި ފޮޓޯ ވައިރަލްވެފައިވާއިރު، އޭނާގެ ކައިރީގައި މީހަކު އިށީނދެގެން އިންނަތަން ފެނިގެންދެ އެވެ. އެހެން ނަމަވެސް އެއީ ކާކު ކަމެއް ނޭނގެ އެވެ. މިކަމާއި ބެހޭ ގޮތުން ވަކި އެއްޗެއް އަދި އުރްފީ ހާމަކޮށްފައިނުވެ އެވެ.

އުރްފީ ފާހަގަކުރެވެނީ ތަފާތު ގޮތްގޮތަށް ހެދުން އަޅާ ތަރިއެއްގެ ގޮތުގަ އެވެ. އަދި އުރްފީ ހެދުން އަޅާ ގޮތުން ގިނަ ބަޔަކު މަލާމަތްކުރެ އެވެ. އޭނާ އަށް އެތައް ބަޔަކު ފާޑުކިޔަސް، އޭނާ އެކަމަށް މާބޮޑު ސަމާލުކަމެއް ނުދެ އެވެ.