އިޒްރޭލަށް ހަމާސް އިން ދިން ވަރުގަދަ ހަމަލައާ ގުޅިގެން މިހާރު ޕަލަސްތީނާ އެކީ ހަނގުރާމައެއްގެ ތެރެގައި އޮތް އިޒްރޭލުގައި ތާށިވި ބޮލީވުޑްގެ މަޝްހޫރު ބަތަލާ ނުޝްރަތު ބަރޫޗާ އެނބުރި އިންޑިއާއަށް ގޮސްފި އެވެ.

ހަމާސްއިން އިޒްރޭލަށް ދިން ކުއްލި ހަމަލާތަކާ ގުޅިގެން އެ ސަރަހައްދުގެ ހާލަތު ވަނީ ވަރަށް ބޮޑަށް ނުރައްކާވެފަ އެވެ. މިސަރަހައްދުގައި ގިނަ ބަޔަކު ތާށިވެފައިވާއިރު ބޮލީވުޑްގެ ބަތަލާ ނުޝްރަތުވެސް އެސަރަހައްދުގައި ތާށިވި ކަމަށް އޭނާގެ ޓީމުން ވަނީ ބުނެފަ އެވެ. އަދި ނުޝްރަތު އާއި ގުޅުން ކެނޑި ނުޝްރަތަށް ވީނުވީ ނޭނގޭ ކަމަށް އޭނަގެ ޓީމުން ކަންބޮޑުވުން ފާޅުކޮށްފަ އެވެ.

އެހެން ނަމަވެސް އިޒްރޭލުގައި ހުންނަ އިންޑިއާ އެމްބަސީގެ އެހީތެރިކަމާއެކު ބަތަލާ ނުޝްރަތު މިހާރު ވަނީ އެނބުރި އިންޑިއާއަށް އައިސްފަ އެވެ. ނުޝްރަތު އެނބުރި އިންޑިއާ އައިސްފައިވާއިރު އޭނާގެ ހާލު ރަނގަޅެވެ.

https://www.youtube.com/watch?v=X7jJ-Zq8MBc

ނުޝްރަތު އިޒުރޭލަށް ދިޔައީ "ހައިފާ އިންޓަނޭޝަނަލް ފިލްމު ފެސްޓިވަލް"ގައި ބައިވެރިވާށެވެ. އަދި މިފެސްޓިވަލުގައި އޭނާގެ އެންމެ ފަހު ފިލްމު "އަކޭލީ" ވަނި ޕްރިމިއާ ކޮށްފަ އެވެ.

މިފިލްމަކީ ހަނގުރާމަވެރި ސަރަހައްދެއްގައި ތާށިވާ އިންޑިއާގެ އަންހެނަކަށް ދިމާވާ ކަންތައްތަކެކެވެ. އެއީ، އިރާގުގައި 2014 ވަނަ އަހަރު ހިނގި ދާހިލީ ހަނގުރާމާގައި ތާށިވި، އެ ގައުމަށް މަސައްކަތްކުރަން ގޮސް އުޅުނު އިންޑިއާ އަންހެނަކަށް ދިމާވާ ކަންތައްތަކެކެވެ.