އިންޑިއާގެ މަޝްހޫރު ލަވަކިޔުންތެރިޔާ ނުސްރަތު ފަތެހް ޚާންއަކީ މިއަދުވެސް އާއްމުންގެ ތެރޭގައި މަގުބޫލު ފަންނާނެކެވެ. އޭނާގެ ލަވަތައް މިއަދުވެސް އަޑުއަހާ މީހުން އުޅެ އެވެ.

ޖާދުވީ އަޑެއްގެ ވެރިއެއްގެ ގޮތުގައި ސިފަ ކުރެވޭ ނުސްރަތުގެ ސަޕޯޓަރުންނަށް އޮތީ އުފާވެރި ހަބަރެކެވެ. މަރުވިތާ 17 ވަރަކަށް އަހަރު ފަހުން އޭނާ އެންމެ ފަހުން ރެކޯޑުކުރި އަލްބަމް ނެރެން ވަނީ ތައްޔާރުވެފަ އެވެ.

ހަބަރުތައް ބުނާ ގޮތުގައި އެ އަލްބަމް ނެރެން ހަަމަޖެހިފައިވަނީ ނުސްރަތުއާއެކު މަސައްކަތްކުރި އިނގިރޭސި ފަންނާނެއް ކަމަށްވާ ޕީޓާ ޖިބްރިއަލްގެ ރިއަލް ވޯލްޑް ރެކޯޑްސް ލޭބަލްގެ ދަށުންނެވެ.

"ޗެއިން އޮފް ލައިޓް"ގެ ނަން ދީފައިވާ އެ އަލްބަމްގައި ނުސްރަތުގެ ރީތި ލަވަތަކެއް ހިމެނޭއިރު އަލްބަމް ރިލީޒްކުރަން ހަމަޖެހިފައިވަނީ އަންނަ ސެޕްޓެމްބަރު މަހުގެ 20 ވަނަ ދުވަހު އެވެ.

މިކަމާ ގުޅިގެން ޕީޓާ ނެރެފައިވާ ބަޔާނެއްގައި ބުނެފައިވަނީ ނުސްރަތުއަކީ އޭނާ އެކުގައި މަސައްކަތްކުރި އެންމެ ތަފާތު ލަވަކިޔުންތެރިޔާ ކަމަށާއި އޭނާގެ ހުނަރަކީ ފާހަގަކޮށްލެވޭ ވަރުގެ ހުނަރެއް ކަމަށެވެ.

ނުސްރަތުގެ އިތުރުން މިހާރު އޭނާގެ ކޮއްކޮ ރާހަތު ފަތެހް އަލީ ޚާންއަކީ ވެސް ގައްވާލީ ލަވަ ކިޔުމުގައި ފުންނާބު އުސް ތަރި އެކެވެ.