މޯލްޑިވްސް ޓޫރިޒަމް އެވޯޑަށް ނަން ހުށަހެޅުމުގެ ފުރުސަތު ހުޅުވާލައިފި އެވެ.

ޓޫރިޒަމް މިނިސްޓްރީން ވަނީ ތިންވަނަ މޯލްޑިވްސް ޓޫރިޒަމް އެވޯޑަށް ނަން ހުށަހެޅުމުގެ ފުރުސަތު ހުޅުވާލާ، ނަން ހުށަހެޅުމުގެ ސުންގަޑިއަކީ އަންނަ މަހުގެ 14ވަނަ ދުވަސްކަމަށް ހަމަޖައްސާފަ އެވެ.

އެވޯޑަށް ކުރިމަތިލުމަށް ހުޅުވާލާފައިވަނީ ރިސޯޓުތަކާއި، ހޮޓާތަކާއި، ގެސްޓުހައުސްތަކާއި، ސަފާރީތަކާއި، ޓްރެވެލް އެޖެންސީތަކަށެވެ. އެގޮތުން 5 ކެޓަގަރީއަކުން 23 އެވޯޑެއް ދިނުމަށް ފަތުރުވެރިކަމާއި ބެހޭ ވުޒާރާއިން ވަނީ ނިންމާފައެވެ.

އެވޯޑަށް އެޕްލިކޭޝަން ހުށަހަޅަން ހަމަޖެހިފައިވަނީ އޮންލައިންކޮ ކަމަށް ޓޫރިޒަމް މިނިސްޓްރީން ބުނެ އެެވެ. އެވޯޑު ދިނުމުގައި ބަލާނީ 1 ޖޫން 2023 އިން 31 މޭ 2024ގެ ނިޔަލަށްކޮށްފައިވާ މަސައްކަތްތަކަށް ކަމަށް އެ މިނިސްޓްރީން ބުންޏެވެ.

މިދިޔަ އަހަރު 5 ދާއިރާއަކުން 59 އެވޯޑަކަށް ފަތުރުވެރިކަމާއި ބެހޭ ވުޒާރާއިން ހުޅުވާލި އެވެ. އަދި އެފުރުސަތުގައި އެކި ކެޓަގަރީތަކުން 88 ފަރާތުން 225 އެޕްލިކޭޝަން ލިބުނެވެ. އޭގެތެރެއިން 31 ފަރާތަކަށްވަނީ އެވޯޑު ދީފަ އެވެ.