އެމޭޒަންގެ މިނީ ސީރީޒްއެއް ކަމަށްވާ "ހަންޓާ ސީޒަން 2"ގެ ޝޫޓިންގެ ތެރެއިން ބޮލީވުޑްގެ ތަރި ސުނިލް ޝެޓީއަށް އަނިޔާ ވެއްޖެ އެވެ.

އެންމެ ފުރަތަމަ ހަބަރުތައް ލިބުނު ގޮތުގައި އެ ސީރީޒްގެ އެކްޝަން މަންޒަރެއް ޝޫޓް ކުރަން އުޅެނިކޮށް ސުނިލްގެ މައިބަދައަށް ސީރިއަސް އަނިޔާތަކެއް ލިބުނެވެ. އެގޮތުން އެ އަނިޔާއާއެކު އެމަޖެންސީގައި އޭނާ ހޮސްޕިޓަލަށް ގެންދެވި އަވަސް ފަރުވާ ދެވުނު ކަމަށް އޭރު މީޑިއާތަކުން ރިޕޯޓުކުރި އެވެ.

އެހެން ނަމަވެސް އޭގެ ފަހުން ސުނިލް އޭނާގެ ބްލޮގިން ވެބްސައިޓުގައި ބުނެފައިވަނީ ލިބުނީ ވަރަށް ކުޑަ އަނިޔާއެއް ކަމަށާއި ކަންބޮޑުވާންޖެހޭ އެއްވެސް ކަމެއް ނެތް ކަމަށެވެ.

އުމުރުން 63 އަހަރުގެ ސުނިލް ވަނީ އެ ހާދިސާއަށްފަހު އަލުން ފިލްމުގެ ޝޫޓިން ފަށަން ތައްޔާރުވަމުން އަންނަ ކަމަށް ވެސް ބުނެފަ އެވެ.

ނުވަދިހައިގެ އަހަރުތަކުގައި ބޮލީވުޑުން ވިދާލި ސުނިލްގެ ފާހަގަކޮށްލެވޭ ފިލްމުތަކުގެ ތެރޭގައި ދަޅްކަން، މޮހްރާ އަދި މޭ ހޫނާ ފަދަ ފިލްމުތައް ހިމެނެ އެވެ.

ސުނިލްގެ ކުރިއަށް ހުރި މަސައްކަތްތަކުގެ ތެރޭގައި "ހަންޓާ ސީޒަން 2"ގެ އިތުރުން ކޮމެޑީ ފިލްމު "ވެލްކަމް ޓު ދަ ޖަންގަލް" ހިމެނެ އެވެ.