ޓްރީ ޓޮޕް ހޮސްޕިޓަލުން މި އަހަރުގެ ދެވަނަ ހިތާނީ ކޭމްޕްގައި ރަޖިސްރީ ކުރުމަށް ހުޅުވާލައިފި އެވެ.

މި ކޭމްޕުގައި ބައިވެރިވުމަށް ޝައުގުވެރިވާ ފަރާތްތަކަށް މިއަދުން ފެށިގެން ޑިސެމްބަރު 27 ގެ ނިޔަލަށް ނަން ނޯޓުކުރުމުގެ ފުރުސަތު ވަނީ ހުޅުވާލާފަ އެވެ.

މި ކޭމްޕުގައި ޚިދުމަތް ދެއްވުމަށް ހަމަޖެހިފައިވަނީ އޮޕަރޭޝަނަށް ފަރުވާއަށް ޚާއްސަވެފައިވާ ޑޮކްޓަރުންނާއި، ކުޑަކަމުދާ ނިޒާމުގެ ޚާއްސަ ޑޮކްޓަރުން ހިމެނޭ ގޮތަށް ތަޖުރިބާކާރު މެޑިކަލް ޓީމެކެވެ. މި ޓީމުގައި ހިމެނިވަޑައިގަންނަވަނީ ޑރ. ހުސައިން ހަދީވް، ޑރ. އުކްތަމް އަބްދުއްލާޔެވް، ޑރ. މައުމޫން އާސިމް، ޑރ. އިބްރާހީމް މުއުމިން، ޑރ. މުހައްމަދު ޝަރީފް، ޑރ. އަބްދުﷲ އުބައިދު އަދި ކުޑަކަމުދާ ނިޒާމުގެ ޚާއްސަ ޑޮކްޓަރު ޑރ. މެހްމެތު އޮޑަރެވެ.

ޓްރީ ޓޮޕް ހޮސްޕިޓަލުގެ ޗީފް އެކްޒެކެޓިވް އޮފިސަރު ޑރ. ސްރިވަސްތަން ސްރީދާރް ވިދާޅުވީ، މި އަހަރުގެ ކުރީ ކޮޅު ހިތާނީ ކޭމްޕުތަކަށް ލިބުނު ތަރުހީބު މި އަހަރުގެ ޑިސެމްބަރު މަހު ވެސް ލިބޭނެ ކަމަށް އުއްމީދުކުރާ ކަމަށެވެ. އަދި މި ކޭމްޕު ކުރިއަށް ގެންދާއިރު ކުދިންނަށާއި މައިންބަފައިންނަށް ހިތްހަމަޖެހޭ މާހައުލެއް ގާއިމުކުރުމަށް އިސްކަން ދޭ ކަމަށާއި އެންމެ ފުރިހަމައަށް ހިދުމަތްތައް ދިނުމަށް ޑޮކްޓަރުންގެ ޓީމެއް އެކުލަވާލާފައިވާކަން ވެސް ފާހަގަކުރެއްވި އެވެ.

ހިތާނީ ޕެކޭޖުގެ އަގު ކަނޑައަޅާފައިވަނީ 5,000 ރުފިޔާއަށެވެ. މީގެ އިތުރުން، ކޮޓަރި އަޕްގްރޭޑް ކުރުމަށާއި ޕްރައިވެޓް ކޮޓަރިތަކަށް ޚާއްސަ އަގުތަކެއް ހަމަޖައްސާފައިވާ ކަމަށް ޓްރީ ޓޮޕް ހޮސްޕިޓަލުން ބުންޏެވެ.