ހޮލީވުޑްގެ މަޝްހޫރު އެކްޓަރު ޖޮނީ ޑެޕްގެ ޒާތީ ހަޔާތުގެ ވާހަކަތަކަކީ މީޑިއާގައި އަބަދުވެސް ދެކެވެމުން އަންނަ "ހޫނު" މައުލޫ އެކޭ ބުނެވިދާނެ އެވެ.

މިފަހުން އޭނާގެ ޒާތީ ހަޔާތާ ގުޅުވައިގެން ދެކެވެމުން އަންނަ ވާހަކަތައް ވެސް މިހާރު ވަނީ މީޑިއާގައި ދައުރުވާން ފަށާފަ އެވެ.

ގާނޫނީ ވަކީލެއް ކަމަށްވާ ޖޮއެލް ރިޗްއާ ކުޑަ ދުވަސްކޮޅަކަށް ރައްޓެހިވެގެން އުޅުމަށްފަހު އެ ދެމީހުން ވަކިވެފައިވާއިރު މިހާރު އަނެއްކާވެސް ޖޮނީގެ ދިރިއުޅުމުގައި އާ ލޯތްބަކަށް ފުރުސަތު ދީފައިވާ ކަމަށް ހަބަރުތައް ބުނެ އެވެ. އެ ހަބަރުތައް ބުނާ ގޮތުގައި ޖޮނީ މިހާރު ލޯބީގެ ގޮތުން ގުޅިގެން އުޅެނީ އޭނާގެ އުމުރަށްވުރެ ދެބައިކުޅަ އެއްބައި ހަގު ސްޕެއިންގެ އިންފްލުއެންސަރަކާ އެވެ.

ޑިއޯ ބްރޭންޑްގެ އިންފްލުއެންސަރެއް ކަމަށްވާ ޖެސް ބޯޑިއުއަކީ ޖޮނީގެ އާ ލޯބިވެރިޔާ ކަމަށާއި ޖެސްގެ ސޯޝަލް މީޑިއާގައި ޖޮނީގެ ފޮޓޯތަކާއި ވީޑިއޯތައް ވަރަށް ގިނައިން ފެންނަ ކަމަށް ރިޕޯޓުތައް ބުނެ އެވެ. އޭގެ އިތުރުން ވެސް އެ ދެމީހުން އެކުގައި ސްޕެއިންގެ މަގުތަކުން އެއް ފަހަރަށްވުރެ ގިނަ ފަހަރު ފެނިފައިވާ ކަމަށް ވެސް ބުނެވެ އެވެ.

ކުރީގެ އަންހެނުން އެމްބާ ހާޑްއާއެކު ކުރިއަށްދިޔަ ގާނޫނީ ހަނގުރާމަ ނިމުމަކަށް އައި ފަހުން ޖޮނީގެ ލޯބީގެ ހަޔާތް އަލުން ހަމައަކަށް އެޅެން ފަށާފައިވާ ކަމަށް އޭނާއާ ގާތް ފަރާތްތަކުން ބުނެ އެވެ.