ޖިންސީ ފުރައްސާރައިގެ ތުހުމަތުގައި ޖަލުގައި ބަންދުކޮށްފައި ހުރި ހޮލީވުޑްގެ ރެޕް ލަވަކިޔުންތެރިޔާ ސޯން ކޯމްބްސް (ޑިޑީ)ގެ ކަފާލާތުގެ ހުށައެޅުން އަނބުރާ ގެންގޮސްފި އެވެ.

މީގެ ކުރިން ވެސް ތިން ފަހަރެއްގެ މަތިން ކާފާލާތަށް ހުށައަޅައި ނާކާމިޔާބު ވެފައިވާއިރު މިފަހަރުގެ ހުށައެޅުން އަނބުރާ ގެންގޮސްފައިވަނީ ޑިޑީ އަމިއްލަ އަށެވެ.

ޑިޑީގެ ކަފާލާތުގެ މައްސަލަ ބެލި ފަނޑިޔާރުން ބުނެފައިވަނީ އޭނާ ކާފާލާތުގެ ދަށުން މިނިވަން ނުކުރީ ހެކި ނައްތާލަން މަސައްކަތް ކޮށްފާނެ ކަމުގެ ބިރު އޮތުމުން ކަމަށެވެ.

އެއާއެކު އޭނާގެ މައްޗަށް އުފުލިފައިވާ ދައުވާތަކުގެ ޝަރީއަތް ނިމެންދެން ޑިޑީ ހުންނާނީ ޖަލުގަ އެވެ. އޭނާގެ ޝަރީއަތް ތާވަލު ކުރެވިފައިވަނީ އަންނަ އަހަރުގެ މެއި މަހުގެ ފަސްވަނަ ދުވަހަށެވެ.

ޖިންސީ ފުރައްސާރައިގެ އިތުރުން ވެސް ޓްރެފިކިން ފަދަ ކުށްތަކެއްގެ ތުހުމަތުގައި ޑިޑީ ހައްޔަރު ކުރެވިފައިވަނީ މިދިޔަ ސެޕްޓެމްބަރު މަހުގެ 16 ވަނަ ދުވަހު އެވެ.

ހަބަރުތައް ބުނާ ގޮތުގައި އަމިއްލަ ފަރާތްތަކުގެ ދައުވާތައް ހިމެނޭހެން ޖުމްލަ 20 އަށްވުރެ ގިނަ ދައުވާ ޑިޑީގެ މައްޗަށް އުފުލިފައިވެ އެވެ.