ބޮލީވުޑްގެ ތަރި ޝުރައްދާ ކަޕޫރަކީ މިހާރު ބޮލީވުޑްގައި ހަރަކާތްތެރިވާ އެންމެ ކާމިޔާބު އެއް އަންހެން ތަރި އެވެ. އޭނާގެ ފިލްމީ ހަޔާތުގެ އިތުރުން ލޯބީގެ ހަޔާތަކީ ވެސް ގިނަ ބައެއްގެ ސަމާލުކަން ހޯދާ ކަމެކެވެ.

ދާދި ފަހުން މީޑިއާއަށް ޝްރައްދާ ދިން އިންޓަވިއުއެއްގެ ތެރެއިން މައުލޫ ފެންމަތިވެ އެންމެ ފަހުން ޝްރައްދާ ރުޅިއަންނަ ހިސާބަށް ވަނީ ގޮސްފަ އެވެ. ކަންވީ ގޮތަކީ ބޮލީވުޑްގެ އެހެން އެކްޓަރެއް ކަމަށްވާ ކާތިކް އާރްޔަން މީޑިއާއާއަށް ދިން އިންޓަވިއުއަކަށް ނިސްބަތްކޮށް ނޫސްވެރިޔަކު ޝްރައްދާގެ ހިޔާލު އެހީ އެވެ.

"ކާތިކް ބުނި އެއްޗެއް އޭނާ ބުނެފަ އޮތީ. އަހަންނަށް އެއްވެސް ސުވާލެއް އެބައޮތްތަ؟" ޝުރައްދާ އެހި އެވެ.

ބޮލީވުޑްގެ ތަރިންގެ ތެރެއިން ލޯބީގެ ގޮތުން ގުޅޭނީ ކޮން ތަރިންނަކާތޯ ސުވާލު ކުރުމުން ކާތިކް ޝްރައްދާގެ ނަން ބުނިއިރު އެކަމާ ބެހޭގޮތުން ޝްރައްދާގެ ހިޔާލަކަށް އެހުމުން އޭނާ ވަނީ ސީދާ ޖަވާބެއް ނުދީ ވާހަކަ އޮޅުވާލި އެވެ.

އެހެން ނަމަވެސް ތަކުރާރުކޮށް ނޫސްވެރިޔާ އެ ސުވާލު ކުރަން ފެށުމުން ޝުރައްދާ ވަނީ ނުރުހުން ފާޅުކޮށް މި އާދެވުނީ ޖާސޫސީ އިދާރާއަކަށްތޯ ދޭހަވާ ގޮތަކަށް ސުވާލުކޮށްފަ އެވެ.

ހަބަރުތައް ބުނާ ގޮތުގައި ޝުރައްދާ މިހާރު ލޯބީގެ ގޮތުން ގުޅިގެން އުޅެނީ އިންޑިއާގެ ސްކްރީން ރައިޓަރެއް ކަމަށްވާ ރާހުލް މޯދީއާ އެވެ.