ހަނދާނުގައި ކަންކަން ހުންނަ މިންވަރާއި ކަންކަމަށް ދޭ ސަމާލުކަން އިތުރުކުރުމަކީ ސިއްހަތު ރަނގަޅު ދިރިއުޅުމަކަށް ވަރަށް މުހިއްމު ކަމެކެވެ. އާއްމު ދިރިއުޅުމާއި ވަޒީފާގެ މައިދާނަށް ވެސް ނުހަނު ބޭނުންތެރި ކަމެކެވެ.

މި ލިޔުމުގައި މި ބަލާލަނީ އިންސާނާގެ ހަނދާން ގަދަކޮށް ކަންކަމަށް ދޭ ސަމާލުކަން އިތުރު ކުރަން ކުރެވިދާނެ ބައެއް ކަސްރަތު ތަކަށެވެ.

ޔޯގާ

ކޮންމެ ދުވަހަކު ވެސް ވަކި ވަގުތުކޮޅެއް އަމިއްލަ ނަފްސަށް ހުސްކޮށް މެޑިޑޭޓް ކުރުމަކީ ހަނދާނުގައި ކަންކަން ގިނަ ދުވަހަށް ދެމިހުންނަން އެހީވެދޭ ކަމެކެވެ.

ނޭވާގެ ކަސްރަތު

"މައިންޑްފުލް ބްރީތިން"ގެ ނަމުން ނަން ދެވިފައިވާ މި ކަސްރަތަކީ ސިކުނޑިއަށް އޮކްސިޖަން ލިބޭ މިންވަރު އިތުރުކޮށްދީ ކަންކަމަށް ސަމާލުކަން ދޭ މިންވަރު ވެސް އިތުރު ކޮށްދޭނެ ކަމެކެވެ. މި ކަސްރަތުގައި މަޑުމަޑުން ފުންކޮށް ނޭވާލައި ބޭރުކުރެ އެވެ.

މެމޮރީ ގޭމްސް

"ސުޑޯކޫ" ފަދަ ހަނދާން ބޭނުން ކޮށްގެން ކުޅެން ޖެހޭ ގޭމްތަކުން ސިކުނޑީގެ ހަރަކާތްތެރިކަން އިތުރު ކޮށްދީ ހަނދާން ގަދަވުމަށް މަގުފަހިވެ އެވެ.