ހޮލީވުޑްގެ މަޝްހޫރު ދެ ތަރިން ކަމަށްވާ ޖެނިފާ ލޮޕޭޒްއާއި ބެން އެފްލެކްގެ ކައިވެނި ރޫޅުމަށްފަހު ވެސް އެ ދެތަރިން އެކުގައި ވަގުތު ހޭދަކުރަމުން އެބަދެ އެވެ.

ހަބަރުތައް ބުނާ ގޮތުގައި އެ ދެމީހުން ވަނީ އެމީހުންގެ ދަރިން ހިމެނޭހެން ބޮޑު އާއިލާއާއެކު ކްރިސްމަސް ފާހަގަކޮށް ހަދިޔާ ބަދަލުކޮށްފަ އެވެ. ކައިވެނި ރޫޅުމަށްފަހު ވެސް ޖޭލޯއާއި ބެންގެ މެދުގައި ގާތް އެކުވެރިކަމެއް އޮންނަ ކަމަށާއި އެކަކު އަނެކަކުގެ ދިރިއުޅުމުގައި ހިއްސާވާނެ ކަމަށް މީގެ ކުރީގެ ރިޕޯޓުތައް ބުނެފައިވެ އެވެ.

އެގޮތުން ކްރިސްމަސްގެ ޗުއްޓީ އެކުގައި ފާހަގަކޮށް އުފާވެރި ވަގުތުތަކެއް ހޭދަކޮށްފައިވާތީ އެ ރިޕޯޓުތަކަކީ ހަގީގަތެއް ކަމާއި އެމީހުނުގެ މެދުގައި އަދިވެސް ގުޅުން ރަނގަޅުކަން އެނގިގެންދެ އެވެ.

ބެންއާއި ޖޭލޯ އެކުގައި ކްރިސްމަސް ފާހަގަކޮށްފައި މިވަނީ ނިމިގެންދިޔް ތޭންގްސްގިވިން ޗުއްޓީގައި ޖޭލޯ ދޫކޮށް ބެން އޭނާގެ ކުރީގެ އަންހެނުން ޖެނިފާ ގާނާއާއެކު އެޗުއްޓީ ހޭދަކުރުމަށްފަހު އެވެ.

2021 ވަނަ އަހަރު ކައިވެނިކުރި ބެންއާއި ޖޭލޯގެ ކައިވެނި ދެ އަހަރަށްފަހު ރޫޅިފައިވާއިރު އެ ދެމީހުން ވެސް އަންނަނީ އާއިލާއަށްޓަކައި އެމީހުންގެ މައްސަލަތައް އެއްފަރާތް ކުރަމުންނެވެ.