ބޮލީވުޑްގެ ކުރީގެ އެކްޓަރު އަދި ކާމިޔާބު ލިޔުންތެރިޔާ ޓްވިންކަލް ޚަންނާގެ 51 ވަނަ އުފަންދުވަހުގެ މުނާސަބަތުގައި އޭނާގެ ފިރިމީހާ އަކްޝޭ ކުމާރު ލޯބި މެސެޖެއް ދީފި އެވެ.

މިދިޔަ އާދީއްތަ ދުވަހު އަކްޝޭގެ އިންސްޓަގްރާމްގައި ހިއްސާކުރި ޕޯސްޓުގައި އޭނާ ވަނީ ޓްވިންކަލްގެ މަޖާ ވީޑިއޯއަކާއެކު ހާއްސަ މެސެޖެއް ދީފަ އެވެ.

އެ ވީޑިއޯއިން އެންމެ ފުރަތަމަ ފެންނަނީ މަޑުމައިތިރި މިޒާޖެއްގެ ޓްވިންކަލް ގޮނޑިއެއްގައި އިށީނދެގެން ފޮތެއް ކިޔަން އިންނަ މަންޒަރެވެ. އެއާއެކު ދެން ވީޑިއޯ ބަދަލުވަނީ އެމީހުންގެ ގޭގެ ސިޓިން ރޫމުގައި ޓްވިންކަލް ނަށާ މަންޒަރަކަށެވެ. އެ މަންޒަރުން އޭނާގެ މަޒާ ސަކަ މިޒާޖު ފެނެ އެވެ.

https://www.instagram.com/akshaykumar/?utm_source=ig_embed&ig_rid=e7abc6f2-672c-4de3-8b7f-ce77c402b0dc

ވީޑިއޯގެ އެންމެ ފުރަތަމަ މަންޒަރު އަކްޝޭ ސިފަކޮށްފައިވަނީ "މީހުން އަހަރެންގެ އަންހެނުންނާ މެދު ދެކޭ ގޮތް" މިހެންނެވެ. އެއާއެކު ފަހުގެ މަންޒަރުގައި އަކްޝޭ ބުނެފައި ވަނީ "ހަގީގަތަކީ މިއީ" ކަމަށެވެ. އަދި ޓްވިންކަލްގެ ފަރާތުން އޭނާއަށް ދިރިއުޅުމުގެ ގިނަ ކަންކަން ދަސްވެފައިވާ ކަމަށާއި ޓްވިންކަލްއަކީ ހަގީގަތުގައި ވެސް އެފަދަ ދެވަނައެއް ނުވާ ފަދަ މީހެއް ކަމަށް އެ ވީޑިއޯގައި އަކްޝޭ ބުނެފައިވެ އެވެ.

އަކްޝޭގެ ފިލްމީ މަސައްކަތްތަކަށް ބަލާއިރު ދެން އެންމެ އަވަހަށް އޭނާ ފެންނާނެ ކަމަށް ބެލެވެނީ 2025 ވަނަ އަހަރުގެ މެދުތެރޭގައި ރިލީޒްކުރާނެ ކަމަށް ބެލެވޭ "ހައުސްފުލް 5" އެވެ.