ހައުސިން މިނިސްޓްރީގެ ބައެއް މުވައްޒަފުން ވަކިކުރަން ޖެހިދާނެ
ވޭޕް މަނާކުރުމުން ފާޑުކިޔާ މީހުންނަށް ރައީސް މުއިއްޒުގެ ރައްދެއް
އައްލޫއަށް އިތުރު ނޯޓިސްއެއް ފޮނުވައިފި
ޓެލީވުޑްގެ ކުރީގެ މަޝްހޫރު ތަރި ސަނާ ޚާންއާއި އޭނާގެ ފިރިމީހާ އަނަސް ސައްޔިދުއަށް މިދިޔަ އާދީއްތަ ދުވަހު ދެވަނަ ދަރިއަކު ލިބިއްޖެ އެވެ.
ޖެހިގެން އައި ދުވަހު ސަނާ އާއްމުކުރި އިންސްޓަގްރާމް ޕޯސްޓެއްގައި ބުނެފައިވަނީ އެ ދެމަފިރިންނަށް ލިބުނީ ފިރިހެން ކުއްޖެއް ކަމަށެވެ.
"އަޅަމެންނަށް މިކުޑަ ދަރިފުޅު ހެޔޮ ގޮތުގައި ތަރުބިއްޔަތު ކުރުމުގެ ފުރިހަމަ ތައުފީގު ދެއްވާށި!" އެ ޕޯސްޓުގައި ސަނާ ބުނެފައިވެ އެވެ.
ޖެނުއަރީ މަހުގެ ފަސްވަނަ ދުވަހު ސަނާ ވިހާފައިވާއިރު އެ ދަރިފުޅުގެ ނަން އަދި އާއްމުކޮށް އިއުލާން ކޮށްފައިނުވާ ކަމަށް ހަބަރުތައް ބުނެ އެވެ.
ސަނާ އޭނާގެ ދެވަނަ ދަރިފުޅަށް ބަލިވެ އިންކަން އިއުލާންކުރީ އޭނާގެ ފުރަތަމަ ދަރިފުޅު ތާރިގް ޖަމާލް އުފަންވިތާ ނުވަ މަސް ފަހުންނެވެ.
ސަނާ އާއްމުންގެ މަގުބޫލުކަން ހޯދާފައިވަނީ ބިގްބޮސްގެ ހަވަނަ ސީޒަނުންނެވެ. އެހެން ނަމަވެސް އަނަސްއާ ކައިވެނި ކުރުމަށްފަހު އިސްލާމް ދީނުގެ މަގުގައި ސާބިތުވުމަށްޓަކައި އޭނާ ވަނީ ފިލްމީ ދާއިރާ އެއްކޮށް ދޫކޮށްލާފަ އެވެ.
