ގާނޫނު އަސާސީގެ ދިފާއުގައި އެމްޑީޕީން އިހުތިޖާޖަށް ނުކުންނަނީ
ޖަލުގައި ބަނޑުހައިހޫނުކަމުގެ ހަޅުތާލެއް، އެޗްއާރްސީއެމް ހަނު
ފުވައްމުލަކުގައި ޑްރަގްގެ ވިޔަފާރިކުރި ދެ މީހުން ދޫކޮށްލައިފި
ހުޅަނގު ދެކުނު އެމެރިކާގެ ލޮސް އެންޖެލެސްގައި ފެތުރެމުންދާ އަލިފާނުގެ ކާރިސާއިން ސަލާމަތްވުމަށް އެތައް ހާސް މީހުން އެ ސަރަހައްދު ދޫކޮށްދާން މަޖުބޫރު ވެއްޖެ އެވެ.
އޮފިޝަލުން ބުނާ ގޮތުގައި މި ހާދިސާގައި މިހާތަނަށް 60،000 އަށްވުރެ ގިނަ މީހުން ސަލާމަތްކުރެވުނުއިރު، 10 މީހުން ވަނީ މަރުވެފަ އެވެ. އަދި 10،000 އަށްވުރެ ގެ ވަނީ އަނދާ އަޅިއަށް ވެފަ އެވެ.
ރިޕޯޓުތައް ބުނާ ގޮތުގައި 3000 އޭކަރުގެ ސަރަހައްދަކަށް އަލިފާންގަނޑު ވަނީ ފެތުރިފަ އެވެ. އަދިވެސް މި އަލިފާންގަނޑު ދަނީ އިތުރު ސަރަހައްދުތަކަށް ފެތުރެމުންނެވެ.
ލޮސް އެންޖެލެސްގެ ކަނޑު އައްސޭރިފަށުގައިވާ ޕެސިފިކް ޕެލިސޭޑްސް ސަރަހައްދަށް އަލިފާންގަނޑު ފެތުރިފައިވާއިރު އެ ސަރަހައްދަކީ ހޮލީވުޑްގެ މަޝްހޫރު ތަރިންނާއި، ފަންނާނުންނާއި މަހުޖަނުންގެ މަތީފަންތީގެ އަގު ބޮޑު ގެތައް އަޅާފައިވާ ސަރަހައްދެކެވެ.
ޕެސިފިކް ޕެލިސޭޑްސްއަކީ ލޮސް އެންޖެލެސްގެ އެންމެ އަގުބޮޑު އަދި އެކްސްކްލޫސިވް ސަރަޙައްދުތަކުގެ ތެރެއިން އެއް ސަރަޙައްދެވެ.
ސަރަހައްދުގައި މުޅި ހަޔާތް ހޭދަ ކޮށްފައިވާ މީހުން ފުރާނަ ސަލާމަތް ކުރުމަށް ގެދޮރު ދޫކޮށް ދާން ޖެހުމުން އެކަމުގެ ކަންބޮޑުވުން ވެސް ބޮޑުކަމަށް ގިނަ މީހުންދަނީ ބުނަމުންނެވެ.
"އަހަރެން މުޅި އުމުރު ދިރިއުޅެފައި ވަނީ މިތާގައި، އެކަމަކު މިއީ އަހަރެން މީގެ ކުރިން ދުވަހަކުވެސް ދެކެފައިނުވާ ފަދަ ކަމެއް. މިއީ އެންމެ ނުރައްކާތެރި ހާލަތު،" އެ ސަރަހައްދުގެ މީހަކު މީޑީއާ އާ ވާހަކަ ދައްކަމުން ބުންޏެވެ.
ޖެނުއަރީ މަހަކީ އާންމު ގޮތެއްގައި އަލިފާނުގެ ހާދިސާތައް ހިނގާ މޫސުމެއް ނޫނެވެ. ނަމަވެސް މިއީ އާދަޔާ ޚިލާފު ހާލަތެއް ކަމަށް އެސަރަހައްދުގެ މީހުން ބުނެ އެވެ. މި އަލިފާންގަނޑު މިހާ ބޮޑަށް ފެތުރެމުން މިދަނީ ފާއިތުވި ދިހަ އަހަރަށް ވުރެ ގިނަ ދުވަހުގެ ތެރޭގައި ދެކުނު ކެލިފޯނިއާގައި ތަޖުރިބާކުރެވުނު އެންމެ ގަދަ ވައިގެ ސަބަބުންނެވެ. އަދި ސަރަހައްދަށް ކުރިމަތިވެފައިވާ ހަނަފަސްކަމުގެ ސަބަބުން މިކަން އިތުރަށް ގޯސްވެފައިވާ ކަމަށް ތަޖުރިބާކާރުން ބުނެ އެވެ.
ފުލުހުންނާއި ފަޔާ ޑިޕާޓްމަންޓުން ވަނީ މީހުންގެ ފުރާނައަށް ނުރައްކާ ވެދާނެ ކަމަށް ބުނެ ގެއިން ގެއަށް ޒިޔާރަތްކޮށް، މީހުން އެ ސަރަހައްދު ދޫކޮށް ދިއުމަށް އިލްތިމާސްކޮށްފަ އެވެ.
ބިރުގެންފައިވާ އާންމުން ޕެސިފިކް ޕެލިސޭޑްސް ސަރަހައްދަށް ވަދެނިކުމެވާ ހަމައެކަނި މަގުމައްޗަށް ބައެއް މީހުން އެމީހުންގެ އަމިއްލަ ކާރުތައް ދޫކޮށްލުމަށް ފަހު ފައިމަގުގައި ދާ މަންޒަރު ވެސް ވަނީ އާންމުވެފަ އެވެ.
އިމަޖެންސީ އުޅަނދުތަކަށް މަގުން ޖާގަ ހަދަން ފަޔާ ފައިޓަރުން ބުލްޑޯޒަރުތައް ބޭނުންކޮށްގެން އަގުބޮޑު ކާރުތައް އެއްފަރާތަކަށް ޖެއްސުމުގެ ތެރޭގައި ގިނަ ކާރުތައް ވެސް ވަނީ ފިތި ހަލާކުވެފަ އެވެ.
މީޙުން ބުނަނީ މުޅި ސަރަހައްދުގައި ވަނީ އެލާމުގެ އަޑުފައްގަނޑު ކަމަށެވެ.
ލޮސް އެންޖެލެސް ފަޔާ ޑިޕާޓްމަންޓުގެ ވެރިޔާ ކްރިސްޓިން ކްރައުލީ ވިދާޅުވީ މީހުން ސަލާމަތް ކުރުމުގެ މަސައްކަތް އެކަށީގެންވާ ރަނގަޅު އިންތިޒާމެއްގެ ދަށުން ނުދިޔަ ނަމަވެސް އެއްވެސް މީހެއްގެ ފުރާނަ ގެއްލުނު ކަމުގެ ރިޕޯޓެއް ލިބިފައި ނުވާ ކަމަށެވެ.
އެހެން ނަމަވެސް ފަޔާ އޮފިޝަލެއް ޓެލެވިޜަން ސްޓޭޝަން ކޭޓީއެލްއޭ އަށް ވާހަކަ ދައްކަމުން ބުނެފައިވަނީ އެތައް ބަޔަކަށް އަނިޔާވެފައިވާ ކަމަށެވެ. އޭގެ ތެރޭގައި ބައެއް މީހުން ފިހިފައިވާ ކަމަށް ބުނެފައިވެ އެވެ. ބައެއް ފަޔާ ފައިޓަރުންނަށް ވެސް އަނިޔާވެފައިވާ ކަމަށް ރިޕޯޓުތައް ބުނެ އެވެ.
އެތައް ސަތޭކަ ފަޔާ ފައިޓަރުން އެ ސަރަހައްދަށް ޖަމާވެ، ބިމުންނާއި ވައިގެ މަގުން އަލިފާން ނިއްވުމުގެ މަސައްކަތް ދަނީ ކުރަމުންނެވެ.
"އަހަރުމެން އަދިވެސް ނުރައްކަލުން ސަލާމަތެއް ނުވޭ،" ލޮސް އެންޖެލެސް ކައުންޓީ ފަޔާ ޗީފް އެންތަނީ މެރޯން މެންދުރުފަހު ބޭއްވުނު މީޑިއާ ބައްދަލުވުމެއްގައި ވިދާޅުވި އެވެ.
ދެކުނު ކެލިފޯނިއާގެ އެހެން ސަރަހައްދުތަކަށް ވެސް ނުރައްކާ ކުރިމަތިވި އެވެ. ދެވަނަ އަލިފާނުގެ ހާދިސާއެއް ފެށުނީ ޕެސެޑީނާ އާ ގާތްގަނޑަކަށް 30 މޭލު (50 ކިލޯމީޓަރު) އެތެރޭގެ ސަރަހައްދެއްގަ އެވެ.
ސީބީއެސް ނިއުސްގެ ރިޕޯޓުގައިވާ ގޮތުން، އެ ސިޓީގެ ނާސިންގ ހޯމަކުން ގާތްގަނޑަކަށް 100 ވަރަކަށް އުމުރުން ދުވަސްވީ މީހުން އިވަކުއޭޓް ކުރެވުނެވެ. ވީޑިއޯތަކާއި ފޮޓޯތަކުން ދައްކާގޮތުން، އުމުރުން ދުވަސްވީ މީހުންތައް، ބައެއް މީހުން ވީލްޗެއަރުގައި އެ އިމާރާތުގެ ޕާކިން ސަރަހައްދުގައި ދުންގަނޑުގެ ތެރޭގައި ތޮއްޖެހިފައި ތިބިއިރު، ފަޔަރ ޓްރަކްތަކާއި އެމްބިއުލާންސްތައް އެ ސަރަހައްދުގައި ދިޔައީ ހަރަކާތްތެރިވަމުންނެވެ.
ފަޔަރ އޮފިޝަލުން ބުނާގޮތުން، ތިންވަނަ އަލިފާނުގެ ހާދިސާއެއް ލޮސް އެންޖެލެސްގެ ހުޅަނގު އުތުރު ފަރާތުގައިވާ ސަން ފާނާންޑޯ ވެލީގައި ހިނގާ އެ ސަރަހައްދު ހުސްކުރުމުގެ އަމުރުވެސް ނެރެވުނެވެ.
ކެލިފޯނިއާގެ ގަވަރުނަރު ގެވިން ނިއުސަމް ވިދާޅުވީ، އަލިފާން ނިއްވުމުގެ މަސައްކަތަށް އެހީތެރިވުމަށް މައިސަރުކާރުގެ އެހީތެރިކަން ފޯރުކޮށްދިނުމަށް ރައީސް ޖޯ ބައިޑަން ނިންމަވާފައިވާ ކަމަށެވެ.
އެމެރިކާގެ ލޮސް އެންޖެލެސްގެ ޖަންގަލިތަކެއްގައި ރޯވެ ޢާންމުން ދިރިއުޅޭ ސަރަޙައްދަށް ހަލުވިކަމާއެކު ފެތުރެމުންދާ ތިން އަލިފާންގަނޑުގެ ސަބަބުން މިހާތަނަށް 10 މީހުން މަރުވެ އެތައް ސަތޭކަ އިމާރާތެއް ވަނީ އަނދާ އަޅިއަށްވެފަ އެވެ.
ޖަނަވަރީ މަހުގެ 7ވަނަ ދުވަހު ރޯވި އަލިފާންގަނޑުތައް ނިއްވާލުމުގައި ގަދަ ވައިގެ ސަބަބުން ބޮޑެތި ދަތިތަކާ ވަނީ ކުރިމަތިވެފަ އެވެ. ވައި ގަދަވުމުގެ ސަބަބުން އަލިފާންގަނޑު އިތުރަށް ފެތުރުމަށް ވަނީ މެދުވެރިވެފަ އެވެ. އަލިފާނުގެ ސަބަބުން 100,000އަށްވުރެ ގިނަ މީހުން ގެދޮރު ދޫކޮށް ރައްކާތެރި ސަރަޙައްދުތަކަށް ދިއުމަށް ރަސްމީ އިދާރާތަކުން ވަނީ އަންގައިފަ އެވެ. އަލިފާންގަނޑުތައް ނިއްވައިލުމުގައި ފެނުގެ ދަތިކަން ވެސް މިހާރު ވަނީ ކުރިމަތިވެފަ އެވެ.
ތިން އަލިފާންގަނޑުގެ ތެރެއިން އެންމެ ބޮޑު ހުޅުގަނޑު ފެތުރެމުން ދަނީ ލޮސް އެންޖެލެސްގެ އިރުމަތީގައި އޮންނަ ޕެސިފިކް ޕެލިސޭޑްސް ކިޔައި ރީތި އަދި އަގުބޮޑު އަވަށެއްގަ އެވެ. އެ އަލިފާންގަނޑު މިހާތަނަށް 6,406 ހެކްޓަރަށް ވަނީ ފެތުރިފަ އެވެ. އެ ސަރަޙައްދުގައިވާ 1,000އަށް ވުރެ ގިނަ އިމާރާތް އަނދައި ބޮޑެތި ގެއްލުންތަކެއް ވަނީ ލިބިފަ އެވެ.
