އދ. އަތޮޅު ރިސޯޓެއްގައި ޗުއްޓީ ހޭދަކުރަމުން ދިޔަ ފަތުރުވެރިއަކު މޫދުގައި އުޅެނިކޮށް ލޯންޗަކުން ޖެހި މަރުވެއްޖެ އެވެ.

ފުލުހުން ބުނީ ރެޑިސަން ބުލޫ މޯލްޑިވްސް ރިސޯޓުގެ ބޭރު މޫދުގައި އުޅެނިކޮށް އައިކޮމް ގްރީން ނަމަކަށް ކިޔާ ލޯންޗަކުން ޖެހި މީހަކު މަރުވި މައްސަލަ މިއަދު 10:00 އެހާއިރު ރިޕޯޓް ކޮށްފައިވާ ކަމަށެވެ.

މަރުވެފައިވަނީ އާޖެންޓީނާގެ އުމުރުން 55 އަހަރުގެ ފަތުރުވެރިއެއް ކަމަށް ފުލުހުން ބުންޏެވެ.

މި މައްސަލަ ތަހުގީގު ކުރަމުން އަންނަ ކަމަށް ފުލުހުން ބުނެ އެވެ.

މިދިޔަ އަހަރުގެ ނޮވެމްބަރު މަހު ސިންގަޕޫރަށް ނިސްބަތްވާ އުމުރުން 15 އަހަރުގެ ދަރިވަރަކު ސްނޯކްލިންއަށް ގޮސް އުޅެނިކޮށް ދޯނީގެ ބުރަފަތީގައި ޖެހި މަރުވި މައްސަލައެއްވެސް ދަނީ ތަހުގީގު ކުރަމުންނެވެ.