ބޮލީވުޑްގެ މަޝްހޫރު އެކްޓަރު މަދޫރީ ޑިކްސިޓް ހަ ކްރޯޑް ރުޕީސްގެ އަގުބޮޑު ކާރެއް ގަނެފި ކަމަށް އިންޑިއާގެ މީޑިއާތަކުން ބުނެފި އެވެ.

ރިޕޯޓުތައް ބުނާ ގޮތުގައި ދެ ސީޓުގެ ފެރާރޯ 296 ޖީޓީއެސް މޮޑެލްގެ އެ ކާރު މަދޫރީ ގަނެފައިވަނީ މިދިޔަ ހޯމަ ދުވަހުގެ ވަގުތެއްގަ އެވެ.

ސޯޝަލް މީޑިއާގައި މިހާރު ދައުރުވަމުން އަންނަ ވީޑިއޯއެއްގައި މަދޫރީއާއި އޭނާގެ ފިރިމީހާ ސްރީރާމް ނެނޭ އިމާރާތަކުން ނުކުމެގެން އައިސް އެމީހުންގެ ރަތް ކުލައިގެ އާ ކާރަށް އަރާ މަންޒަރު ފެނެ އެވެ.

މި އާ ކާރާއެކު މަދޫރީއާއި ސްރީރާމްގެ ކާރު ކަލެކްޝަނަށް ބޮޅެއް އިތުރުވީ އެވެ. މީގެ ކުރިން ވެސް އެމީހުންގެ މިލްކިއްޔާތުގައި ތަފާތު މޮޑެލްތަކުގެ ކާރުތައް ހުއްޓެވެ.

އެގޮތުން މަދޫރީގެ ކާރު ކަލެކްޝަންގައި މި ފެރާރީގެ އިތުރުން މާސިޑީޒް މޭބެޗްއަކާއި ރޭންޖް ރޯވާއަކާއި ޕޯޗް ކާރެއް ވެސް ހިމެނެ އެވެ.

ފިލްމީ މަސައްކަތްތަކަށް ބަލާލާއިރު މަދޫރީ އެންމެ ފަހުން ފެނިގެންދިޔައީ ކާތިކް އާރްޔަން ލީޑު ރޯލުން ފެނުނު ފިލްމު "ބޫލް ބުލައްޔާ 3"އިންނެވެ.