ބޮލީވުޑްގެ ޒުވާން ދެ ތަރިން ކަމަށްވާ ޚުޝީ ކަޕޫރުއާއި ވެދާންގް ރައިނާ ލޯބީގެ ގޮތުން ގުޅިގެން އުޅޭ ކަމަށް މީޑިއާގައި އަޑު ފެތުރޭތާ ދުވަސްތަކެއް ވެއްޖެ އެވެ.

އެ އަޑުތަކަށް އެއްވެސް ޖަވާބެއް ނުދީ ހުރުމަށްފަހު އެންމެ ފަހުން ޚުޝީ މިވަނީ އޭނާއާއި ވެދާންގްގެ ގުޅުމާ ބެހޭގޮތުން އިޝާރާތެއް ދީފަ އެވެ.

އިންޑިއާގެ މީޑިއާ ޝޯއަކަށް ދިން އިންޓަވިއުއެއްގައި ލޯބީގެ ހަޔާތުގައި އެއްވެސް ކަމެއް ފޮޓޯއިން ނުވަތަ ވީޑިއޯއިން ރައްކާކުރަން ބޭނުންތޯ ސުވާލު ކުރެވުމުން ޚުޝީ ބުނީ އެގޮތަށް ރައްކާކުރަން ބޭނުންވަނީ "ޕްރޮޕޯސަލް"އެއް ކަމަށެވެ.

އެއާއެކު މީގެ ކުރިން ލިބިފައިވާ ޕްރޮޕޯސަލްތަކުގެ ހަނދާން އާކުރަން އެހުމުން ޚުޝީ ބުނީ މިހާތަނަށް އޭނާއަށް އެއްވެސް ޕްރޮޕޯސަލްއެއް ލިބިފައިނުވާ ކަމަށެވެ.

ޚުޝީގެ މި ޖަވާބާއެކު އޭނާއާއި ވެދާންގްގެ މެދުގައި ލޯބީގެ ގުޅުމެއް އޮތްތޯ ނުވަތަ ނޫންތޯ ގިނަ ބައެއްގެ މެދުގައި ވަނީ ސުވާލު އުފެދިފަ އެވެ.

ވެދާންގްއާއި ޚުޝީ އެކުގައި ފެނިގެންދިޔައީ މިދިޔަ އަހަރު ރިލީޒް ކުރެވުނު ޒޯޔާ އަޚްތަރުގެ ނެޓްފްލިކްސް މިއުޒިކަލް "އާޗީސް"ގަ އެވެ.

ޚުޝީ ދެން އެންމެ އަވަހަށް ފެންނާނީ އާމިރު ޚާންގެ ދަރިފުޅު ޖުނައިދު ޚާންއާއެކު ކުރިއަށް އޮތް ފިލްމު "ލަވްޔައްޕާ" އިންނެވެ.