ރައީސް ޑރ. މުހައްމަދު މުއިއްޒުގެ ގެކޮޅު، މ. ދިމްޔާތުގެ އެއްވަނަ ފަންގިފިލާގެ ބޭރުގައި ކުލަ ލާން އުޅުނު މީހަކު ވެއްޓި އައިޖީއެމްއެޗްގައި ފަރުވާދޭން ފަށައިފި އެވެ.

ފުލުހުން ވަނީ މިކަން ކަށަވަރުކޮށްދީފަ އެވެ.

ކުކަލާން އުޅެނިކޮށް ވެއްޓުމުން ޒަހަމްވެފައި ވަނީ ބިދޭސީއެކެވެ.

ފުލުހުން ބުނީ އެ ހާދިސާއާ ގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.

އެ މީހާ އައިޖީއެމްއެޗަށް ގެންދިޔަ މަންޒަރު ފެންނަ ވީޑިއޯއެއް ސޯޝަލް މީޑިއާގައި ދަނީ ދައުރުވަމުންނެވެ. އެ ވީޑިއޯއިން ފެންނަ ގޮތުގައި އެ މީހާ ވެއްޓިފައި ވަނީ ދިމްޔާތުގެ ބިތްދޮށުން ހުންނަ އެފްއެސްއެމްގެ ކުރީގެ ޕެޓްރޯލް ޝެޑުގެ ގޯތި ތެރެއަށެވެ.

އެ މީހާ ހޮސްޕިޓަލަށް ގެންގޮސްފައި ވަނީ އެ ވަގުތު އެތަނުގައި ތިބި މީހުންގެ އަތްދަނޑިމަތީގަަ އެވެ.

ދިމްޔާތުގައި ކުލަލުމުގެ ކަންކަން ކުރިއަށްގެންދިޔައީ އިމާރާތްކުރުމުގެ މަސައްކަތް ކުރިއަށްގެންދިޔުމުގައި އަމަލުކުރަންޖެހޭ ގައިޑްލައިންތަކާއެއްގޮތަށް ކަމެއް ނުވަތަ ނޫންކަމެއް އަދި ނޭނގެ އެވެ.