ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ ސްޓެލްކޯގެ ޓަވަރަކުން ވެއްޓުނު މީހަކު މަރުވެއްޖެ އެވެ.

ފުލުހުން ބުނީ އެ މީހާ ވެއްޓުނީ އެ ޓަވަރުގެ ނުވަ ވަނަ ބުރިން ކަމަށެވެ. އަދި އޭނާ ވެއްޓިފައި ވަނީ ސީ ޓަވަރުގެ ބިއްދޮށް ފަޅިއަށް ކަމަށް ވެސް ފުލުހުން ބުންޏެވެ.

ވެއްޓިފައި އޮއްވައި ފެނުނީ ހ. ގިނިރާހި، އިބްރަހީމް ޝަރަފް،31 އެވެ.

އެ މީހާ ވެއްޓުނު ގޮތެއް އަދި ސާފެއް ނުވެ އެވެ.

ފުލުހުން އަންނަނީ އެ މައްސަލަ ތަހުގީގު ކުރަމުންނެވެ.