މާލޭ ސިޓީ ކައުންސިލްގެ ޑެޕިއުޓީ މޭޔަރު އަހުމަދު ނަރީޝް ކުއްލި ގޮތަކަށް އިސްތިއުފާ ދެއްވައިފި އެވެ.

އިސްތިއުފާ ދެއްވުމަށްފަހު ފޭސްބުކްގައި ކުރެއްވި ޕޯސްޓެއްގައި ނަރީޝް ވިދާޅުވީ ގައުމާއި ރައްޔިތުންނަށް އެހެން ހައިސިއްޔަތަކުން ހިދުމަތްކުރަން ފުރުސަތު ލިބުމާ ގުޅިގެން މާލެ ސިޓީ ކައުންސިލްގެ މާފަންނު މެދު ދާއިރާގެ ކައުންސިލް މެންބަރުކަމުންނާއި، މާލެ ސިޓީ ޑެޕިިއުޓީ މޭޔަރު ކަމުން މިއަދުން ފެށިގެން އިސްތިއުފާ ދީފައިވާ ކަމަށެވެ.

https://www.facebook.com/photo?fbid=28684156614565277&set=pcb.28684158984565040

ނަރީޝް ފޮނުއްވި ސިޓީގައި އޭނާ އިސްތިއުފާ ދެއްވި ސަބަބެއް ބަޔާންކުރައްވާފައެއް ނެތެވެ. ސިޓީގައި މައިގަނޑު ގޮތެއްގައި ވަނީ ސިޓީ ކައުންސިލަށް އޭނާ އިންތިހާބު ކުރުމާއި އިންތިހާބުވި ދުވަހުން ފެށިގެން ގާތުން މަސައްކަތް ކުރެއްވި ބޭފުޅުންނަށް ޝުކުރު އަދާކުރައްވައިފަ އެވެ.

ނަރީޝް މާލޭގެ ޑެޕިއުޓީ މޭޔަރު ކަމަށް އިންތިހާބުކުރީ 19 ކައުންސިލަރުންގެ ތެރެއިން 12 ކައުންސިލަރުންގެ ވޯޓުންނެވެ.