3000 އަށްވުރެ ވެސް ގިނަ އަހަރު ވެފައިވާ ދުވަސްވީ އާބާދެއް ދުނިޔޭގެ އެންމެ ބޮޑު ޖަންގަލި ކަމަށްވާ އެމޭޒަން ޖަންގަލިން ފެނިއްޖެ އެވެ.
އެމޭޒަން ޖަންގަލީގެ އިކުއޭޑޯ ސަރަހައްދުން ފެނިފައިވާ އެ އާބާދަކީ މީގެ ކުރިން އިންސާނުން ދިރިއުޅެފައިވާ ސަރަހައްދެއް ކަމަށް ސައިންސްވެރިންގެ ހޯދުންތަކުން އެނގިފައިވެ އެވެ.
އެ ސަރަހައްދުގައިވާ އަލިފާން ފަރުބަދަތަކުގެ ސަބަބުން އެ ސަރަހައްދުގެ ވެލިގަނޑުގެ ކޮލިޓީ ރަނގަޅުކަން ފާހަގަ ކުރަމުން ސައިންސްވެރިން ބުނީ އެއީ އެ ހިސާބުގައި ދަނޑުވެރިކަން ކޮށް އުޅުނު ކަމުގެ ނިޝާނެއް ކަމަށެވެ.
އޭގެ އިތުރުން ވެސް މި ސަރަހައްދުން ލަކުޑިންނާއި ގަލުން ހަދާފައިވާ ތަފާތު ބިނާތަކެއް ވެސް ފެނިފައިވާ ކަމަށް މި ޕްރޮޖެކްޓްގައި ހަރަކާތްތެރިވާ ސައިންސްވެރިން ބުނެ އެވެ.
މިއާއެކު މި އާބާދު ވެފައިވަނީ މިހާތަނަށް އެމޭޒަން ޖަންގަލިން ފެނިފައިވާ އެންމެ ދުވަސްވީ އާބާދަށެވެ. މީގެ ކުރިންވެސް އެ ޖަންގަލިން އާބާދުތަކެއް ފެނިފައިވެ އެވެ.
އެމޭޒަން ޖަންގައްޔަކީ ގުދުރަތީ ދިރުންތަކުގެ ހާއްޔަކަށް ވާއިރު އެ ޖަންގަލިން ކޮންމެ އަހަރަކު ވެސް އާ ކަންތައްތަކެއް ފެންނަމުންދެ އެވެ.
