ރޭޕްގެ ތުހުމަތުގައި ދައުވާ އުފުލާފައި ވަނިކޮށް ފިލައިގެން އުޅުނު ގދ. ވާދޫ، ސަބަހާ މަންޒިލް، އިޒާމް ޒާހިރު 15 އަހަރަށް ޖަލަށްލާން ކްރިމިނަލް ކޯޓުން ހުކުމްކޮށްފި އެވެ.

ކްރިމިނަލް ކޯޓުން މިއަދު އެ ހުކުމް ކުރީ ދައުލަތުން އޭނާގެ މައްޗަށް އުފުލި ރޭޕްގެ ދައުވާ ސާބިތުވުމުންނެވެ.

އޭނާގެ މައްޗަށް ސާބިތުވި ކުށުގެ އަމަލު ހިންގާފައި ވަނީ ކޮން އަހަރަކު ކަމެއް އަދި ސާފެއް ނުވެ އެވެ.

ޖުލައި 2024 އިން ފެށިގެން ފުލުހުންނަށް އޭނާ ނުހޯދިގެން އުޅެނިކޮށް ސޯޝަލް މީޑިއާގައި އޭނާގެ ފޮޓޯއާއެކު އާންމުކުރުމުން އޭނާ ވަނީ އަމިއްލައަށް ފުލުހުންގެ އިދާރާއަށް ހާޒިރުވެފަ އެވެ.