އިންޑިއާގެ މަޝްހޫރު އިންފްލުއެންސަރު އޮރީއާއި ބޮލީވުޑްގެ ޒުވާން އެކްޓަރު ސާރާ އަލީ ޚާންގެ މެދުގައި ކުރިއަށްދާ ތަޅާފޮޅުންގަނޑު އިތުރަށް ހޫނުވެ ބަހުގެ ހަމަލާތަކެއް ބަދަލު ކޮށްފި އެވެ.

މިފަހަކަށް އައިސް އޮރީގެ ސޯޝަލް މީޑިއާގައި ސާރާއަށް އަމާޒުކޮށް ނުސީދާ ގޮތްތޮތަށް އޭނާ ވަނީ އެކި ކަހަލަ ބަހުގެ ހަމަލާތައް ދީފަ އެެވެ.

އެގޮތުން އޮރީ ވަނީ ދުނިޔޭގެ އެންމެ ހަޑި އަންހެން ނަންތަކަކީ އަމްރިތާ، ޕަލަކް އަދި ސާރާ ކަމަށް ބުނެފަ އެވެ. އެ ތިން މީހުންނަކީ ވެސް އެކްޓަރު އިބްރާހީމް އަލީ ޚާންއާ ގުޅުންހުރި ތިން މީހުންނެވެ.

އޭގެ އިތުރުން ވެސް އޮރީ ވަނީ ސާރާގެ ފިލްމުތަކަށް ލިބެމުން އަންނަ ނާކާމިޔާބީ ފާހަގަކޮށް ނުސީދާ ގޮތެއްގައި އެކަމަށް ފުރައްސާރަ ކޮށްފަ އެވެ.

މި ހުރިހާ ކަމަކާއެކު ސާރާގެ ސޯޝަލް މީޑިއާއިން އޮރީ އަންފޮލޯ ކޮށްފައިވާއިރު އޭނާ ވެސް ވަނީ އޮރީއަށް އަމާޒުކޮށް އޭނާގެ ސްޓޯރީގައި ޕޯސްޓެއް ހިއްސާ ކޮށްފަ އެވެ.

އޮރީއާއި ސާރާއަކީ އެއް އިރެއްގައި ވަރަށް ގާތް ދެ ރަހުމަތްތެރިންނެވެ. އެގޮތުން އެ ދެމީހުން އެކި ފަހަރު މަތިން އެކުގައި ފެނިފައިވެސްވެ އެވެ.