ހޮލީވުޑްގެ ސްޓޫޑިއޯއެއް ކަމަށްވާ ޕެރަމައުންޓައިން އެ ދާއިރާގެ އެންމެ ބޮޑު އެއް ޕްރޮޑަކްޝަން ކުންފުނި ވާނާ ބްރޯސް ޑިސްކަވަރީ ރެކޯޑް އަގަކަށް ގަނެފި އެވެ.

ހޮލީވުޑް ހަބަރުތައް ބުނާ ގޮތުގައި ޕެރަމައުންޓުން ވާނާ ބްރޯސްއާއި އެ ކުންފުނީގެ ހުރިހާ މިލްކިއްޔާތެއް ގަނެފައިވަނީ 110 ބިލިއަން ޑޮލަރަށެވެ.

މިދިޔަ ހުކުރު ދުވަހު އެ ދެ ކުންފުނި އެކުގައި ނެރުނު ބަޔާނެއްގައި ބުނެފައިވަނީ އެ ވިޔަފާރީގެ އިކުއިޓީ އަގަކީ 81 ބިލިއަން ރުފިޔާ ކަމަށާއި 2026 ވަނަ އަހަރުގެ ތިންވަނަ ކުއާޓަރުގައި ހުރިހާ ކަމެއް ނިމޭނެ ކަމަށެވެ.

ބިޑް އުސޫލުން ކުރިއަށް ގެންދިޔަ އެ މުއާމަލާތް ޕެރަމައުންޓުން ކާމިޔާބު ކޮށްފައިވަނީ ބިޑް ކުރުމުގެ ރޭހުން ނެޓްފްލިކްސް ބޭރުވުމާ އެކީގަ އެވެ.

މިއާއެކު ވާނާ ބްރޯސްއާއި ޕެރަމައުންޓް ވެގެން ދާނީ ހޮލީވުޑްގެ ގިނަ އުފެއްދުންތަކެއްގެ މިލްކުވެރި އެދާއިރާގައި ހަރަކާތްތެރިވާ އެންމެ ވަރުގަދަ ޕްރޮޑަކްޝަން ސްޓޫޑިއޯއަށެވެ.

އެގޮތުން މިހާރު އެ ކުންފުނީގެ ލައިބްރަރީގައި ފީޗާ ފިލްމުތަކާއި ޓީވީ އުފެއްދުންތަކުގެ އިތުރުން އޮންލައިން އުފެއްދުންތައް ހިމެނޭހެން 15000 އަށްވުރެ ގިނަ އުފެއްދުންތައް ހިމެނެ އެވެ.