އިލެކްޝަންސް ކޮމިޝަންގެ ހުސްވެފައިވާ ރައީސް ކަމުގެ މަގާމަށް ފުއާދު ތައުފީގް އައްޔަން ކުރައްވައިފި އެވެ.

އިލެކްޝަންސް ކޮމިޝަނުގެ ރައީސް ކަމުގެ މަގާމަށް ފުއާދު އައްޔަންކުރެއްވީ މިއަދު ބޭއްވި އެކޮމިޝަނުގެ ބައްދަލުވުމުގައި މެންބަރުންގެ އިއްތިފާގުންނެވެ.

އިލެކްޝަންސް ކޮމިޝަނުގެ ރައީސް އަހުމަދު ޝަރީފް، އެ ކޮމިޝަނުގެ މެންބަރުކަމުން އިސްތިއުފާ ދެއްވުމުން ކޮމިޝަންގެ ކަންކަން އިސްކޮށް ބަލަހައްޓަވަމުންދަނީ ކޮމިޝަންގެ ނާއިބު ރައީސް އިސްލާއިލް ހަބީބެވެ.

އިންތިގުލީ މަރުހަލާގައި އިލެކްޝަންސް ކޮމިޝަނުގެ މެންބަރުކަން ވެސް ކުރައްވާފައިވާ ފުއާދު ތައުފީގު ވަނީ 2009 ވަނަ އަހަރުގެ ނޮވެންބަރު މަހުން ފެށިގެން 2014 ވަނަ އަހަރުގެ މާޗްމަހާއި ހަމައަށް ކޮމިޝަނުގެ ރައީސްކަން ކުރައްވާފަ އެވެ.