"އައިކޮމްގެ އަޑުއެހުމަށް ނުދެވުނީ މުވައްޒަފެއްގެ އިހުމާލުން"
ގުޅީގައި ފާނަބަސަންދު ފެތުރެނީ، މި މަހު 11 ކޭސް ރިޕޯޓްކޮށްފައިވޭ
ޝްރައްދާގެ ފިލްމުތައް އެހާ ގިނައިން ނުފެންނަ ސަބަބު ބުނެދީފި
އާސަންދަ ކުންފުނިން ހިދުމަތް ދޭ އުސޫލުތަކަށް ބޮޑެތި ބަދަލުތަކެއް ގެންނަން އެ ކުންފުނިން ނިންމައިފި އެވެ.
އާސަންދައިން މިއަދު ނެރުނު ނޫސް ބަޔާނެއްގައި ބުނެފައި ވަނީ ކޮވިޑާ ގުޅިގެން އާސަންދަ ސްކީމްގެ ދަށުން ހިދުމަތް ހޯދުމުގައި އާއްމު ރައްޔިތުންނަށް ދިމާވެފައިވާ ދަތިތައް ހައްލު ކުރުމުގެ ގޮތުން ކުންފުނިން ދީފައިވާ ލުއިތަކަށް ބަދަލުގެންނަށް ނިންމާފައިވާ ކަމަށެވެ.
އެގޮތުން ކޮވިޑާއި ގުޅިގެން ދިގު މުއްދަތަކަށް ބޭސް ކާންޖެހޭ ފަރާތްތަކަށް ދޫކުރާ ކޮންމެ ބޭސް ސިޓީއަކަށް ދެ ފަހަރަށް ބޭސް ނެގޭ ގޮތަށް ކަނޑައެޅި އުސޫލު ބާތިލުކުރަން ނިންމާފައިވާ ކަމަށެވެ. އަދި އަންނަ އޮކްޓޫބަރު އެކަކުން ފެށިގެން އެފަދަ ބޭސް ސިޓީތަކަށް ބޭސް ދޫކުރާނީ އެންމެ ފަހަރަކު ކަމަށާއި ދެވަނަ ފަހަރަށް ބޭސް ނެގޭނީ އަނެއްކާ ވެސް ޑޮކްޓަރު އާ ބޭސް ސިޓީއެއް ލިޔެ ދެއްވެމުން ކަމަށެވެ.
ކޮވިޑާއި ގުޅިގެން މިދިޔަ އަހަރު ޖެނުއަރީ އެކަކުން އިން ފެށިގެން އުފަންވެފައިވާ ހުރިހާ ކުދިންނަށް 28 ދުވަސް ވުމަށް ފަހު ވެސް މަންމަގެ އައިޑީކާޑުން ހިދުމަތް ދެމުން ގެންދިޔަ އުސޫލަށް ވެސް ބަދަލު ގެންނަން ނިންމާފައިވާ ކަމަށް ބަޔާނުގައިވެ އެވެ.
އެގޮތުން ނޮވެމްބަރު އެކަކުން ފެށިގެން ކުއްޖާއަށް 28 ދުވަސް ވުމަށް ފަހު އާސަންދަ ސްކީމްގެ ދަށުން ހިދުމަތް ލިބޭނީ ކުއްޖާއަށް ވަކި އައިޑީ ކާޑެއް ހައްދައިގެން ކަމަށް ބުނެފައިވެ އެވެ.
ބަޔާނުގައި ބުނެފައިވަނީ އައިޑީކާޑު، ޕާސްޕޯޓް އަދި ޑްރައިވިން ލައިސަންސްގެ އަސްލު، ކޮޕީ އަދި ފޮޓޯއަށް އާސަންދަ ސްކީމްގެ ދަށުން ހިދުމަތްދޭ ކަމަށެވެ. ނަމަވެސް އާސަންދައިގެ އުސޫލަކީ އައިޑީ ނުވަތަ ޕާސްޕޯޓް ކާޑުގެ އަސްލަށް ހިދުމަތް ދިނުން ކަމަށެވެ. އެހެންވެ ހުރިހާ ފަރާތްތަކުންވެސް އައިޑީކާޑު ހެއްދުމަށާއި އާސަންދަ ސްކީމްގެ ދަށުން ހިދުމަތް ހޯދާއިރު ކާޑުގެ އަސްލު ދެއްކުމަށް ވެސް ބަޔާނުގައިވެ އެވެ.
