ބޮލީވުޑްގެ ޒުވާން އެކްޓަރު ޓައިގާ ޝްރޮފާއި ސައުތުގެ މަގުބޫލު އެކްޓަރެސް ރަޝްމިކާ މަންޑަންނާ ލީޑް ރޯލުން ފެނިގެންދާ "ސްކްރޫ ދީލާ"ގެ ރޯލަކަށް ވަރުން ސޫދް ހަމަޖައްސައިފި އެވެ.

އެމްޓީވީގެ ރޯޑިސްއިންނާއި ސްޕްލިޓް ވިލާއިން މަޝްހޫރު ކަމެއް ހޯދި ވަރުން އެންމެ ފަހު ފެނިގެން ގޮސްފައިވަނީ ވަރުން ދަވަން ލީޑްރޯލުން ފެނިގެންދިޔަ "ޖުގް ޖުގް ޖިއޯ" އިންނެވެ.

ކަރަން ޖޯހަރުގެ ދަރުމާ ޕްރޮޑަކްޝަންއިން ގެނެސްދޭ މި އެކްޝަން ފިލްމުގެ ބޮޑުބައެއް ޝޫޓްކުރަން ހަމަޖެހިފައި ވަނީ ޔޫރަޕްގަ އެވެ.

https://www.instagram.com/p/Ceycoh4vHnX/

އަންނަ އަހަރު ބެލުންތެރިނަށް ގެނެސްދޭން ތައްޔާރުވަމުން އަންނަ ފިލްމު "ސްކްރޫ ޑިލާ"ގެ ޑައިރެކްޓަރަކީ ޝަޝާންކް ކައިތާން އެވެ.

މިހާރު ފިލްމުގެ ޓީޒާއެއް ވެސް ދައްކާފައިވާއިރު މި ފިލްމަކީ ޓައިގާގެ އެކްޝަން މަންޒަރުތައް ވަރަށް ރަނގަޅަށް ފެނިގެންދާނެ ފިލްމެކެވެ.

ފިލްމު ރިލީޒް ކުރާނެ ތާރީހެއް އަދި އިއުލާނެއް ނުކުރެ އެވެ.

https://www.instagram.com/p/Cga_i48j3Br/?utm_source=ig_embed&ig_rid=205e9dba-8dd4-431c-8c70-72aab676998c

މީގެ އިތުރުން ޓައިގާ ޝްރޮފްގެ ވަރުގަދަ ފިލްމުތަކެއް ކުރިއަށް ނެރުމަށްވެސް ވަނީ ހަމަޖެހިފަ އެވެ. އެގޮތުން ފުރަތަމަ ފަހަރަށް އަމީތާބާއެކު މަސައްކަތް ކުރާ ފިލްމެއްގެ މަސްކަތް ވެސް ޓައިގާ ފެށުމަށް ވަނީ ހަމަޖެހިފަ އެވެ.

މީގެ އިތުރުން ވިކާސް ބަހުލްގެ "ގަނާޕަތު"ގެ ޝޫޓިން ނިންމިފައިވާއިރު އަލީ އައްބާސް ޒަފަރުގެ "ބަޑޭ މިޔާން ޗޯތޭ މިޔާން" ވެސް ޓައިގާ ފެނިގެންދާނެ އެވެ.