އަމިއްލަ ދިރިއުޅުމާ ބެހޭ ގޮތުން ވާހަކަ ނުދައްކާ ސަބަބު ޕުޝްޕާގެ ބަތަލާ ރަޝްމިކާ މަންޑާނާ ހާމަކޮށްފި އެވެ.

ރަޝްމިކާ މަންޑަނާ އަކީ ސައުތު އިންޑިއާގެ ފިލްމު އިންޑަސްޓްރީގައި ވަރަށް މަޝްހޫރު ބަތަލާ އެކެވެ. މިހާރު އޭނާ ވަނީ ބޮލީވުޑަށް ތައާރަފުވުމުގެ ދަތުރު ފަށާފަ އެވެ.

މި މަހުގެ 25 ގައި ރިލީޒްކުރަން ތައްޔާރުވަމުން އަންނަ "ލައިގާ" އެކްޓަރު ވިޖޭ ދެވަރަކޮންޑާ އާއި ރަޝްމިކާ ލޯބީގެ ގޮތުން ގުޅިގެން އުޅޭ ވާހަކަތައް ދޭތެރެއިން މީޑިއާގައި ދެކެވެ އެވެ. މީޑިއާ ރިޕޯޓްތައް ބުނާ ގޮތުގައި ވިޖޭ އާއި ރަޝްމިކާ ގުޅުން އޮންނަތާ ވަރަށް ގިނަ ދުވަސްތަކެއް ވެއްޖެ އެވެ. އެހެން ނަމަވެސް އެ ދެމީހުންވެސް މިކަމާ ބެހޭ ގޮތުން އަދި ވާހަކަ ދައްކާފައިނުވެ އެވެ.

https://www.instagram.com/p/CcLSrMupnto/?hl=en

ދާދި ފަހުން ވިޖޭއާ ރައްޓެހިވެގެން އުޅޭ ވާހަކަތަކާ ބެހޭ ގޮތުން ސުވާލު ކުރުމުން ރަޝްމީކާ ބުނީ އޭނާގެ ޕާސަނަލް ދިރިއުޅުމާ ބެހޭ ގޮތުން އަދި ވާހަކަ ދައްކަން ބޭނުން ނުވާ ކަމަށާއި އެކަމާއި ބެހޭ ގޮތުން ވާހަކަ ދައްކާނީ އެމީހަކާ މެދުގައި ޔަގީންކަން ލިބޭ ދުވަހަކުން ކަމަށެވެ.

"އަހަރެންގެ އަމިއްލަ ދިރިއުޅުމާ ބެހޭ ގޮތުން އެއްޗެއް ބުނާނީ ވަރަށް ޔަގީންވީމާ. އެހެން ނޫނީ އެވާހަކަ ނުދެއްކޭނެ" ރަޝްމިކާ ބުންޏެވެ.

ކަރަން ޖޯހަރުގެ ޝޯ "ކޮފީ ވިތު ކަރަން 7 " ގައި ރަޝްމީކާއާ ރައްޓެހިވުމާ ބެހޭ ގޮތުން ސުވާލު ކުރުމުން ވިޖޭ ބުނެފައިވަނީ ކައިވެނިކޮށް ކުދިން ލިބޭ ދުވަހަކު އޭނާގެ އަމިއްލަ ދިރިއުޅުމާ ބެހޭ ގޮތުން ވާހަކަ ދައްކާނެ ކަމަށެވެ.

https://www.instagram.com/p/Cgqf02WrPma/?hl=en

ސައުތް ސިނަމާގެ މަގުބޫލު ބަތަލާ ރަޝްމިކާގެ ފުރަތަމަ ބޮލީވުޑް ފިލްމު "ގުޑްބާއީ" މިއަހަރުގެ އޮކްޓޯބަރު މަހުގެ ހަތް ވަނަ ދުވަހު ރިލީޒް ކުރުމަށް ހަމަޖެހިފައިވާއިރު އޭނާގެ އިތުރު ފިލްމުތަކެއްވެސް ކުރިއަށް އެބަހުރި އެވެ. އޭގެ ތެރޭގައި މިހާރު މަސައްކަތް ފެށިފައިވާ ފިލްމު "އެނިމަލް" ހިމެނެ އެވެ. މިފިލްމުގައި ރަޝްމިކާ ފެނިގެންދާނީ އެކްޓަރު ރަންބީރް ކަޕޫރާއެކު އެވެ.

މީގެއިތުރުން ބަތަލާ ވަނީ އެކްޓަރު ޓައިގާ ޝްރޮފްއާއެކު ފިލްމު "ސްކްރޫ ދީލާ"އިން ފެނިގެންދާނެ އެވެ. އަދި "ޕުޝްޕާ" ގެ ދެ ވަނަ ބައިންވެސް ރަޝްމިކާ ފެނިގެންދާނެ އެވެ.