މިސްރުގެ ލަވަކިޔުންތެރިޔާ އޭނާގެ ކައިވެންޏަށް އެހުމުން އެކަމަށް އިންކާރުރަން ޖެހުނު ސަބަބުން އެކްޓަރު އުރްވަޝީ ރައުޓެލާ ކިޔައިދީފި އެވެ

އާންމުންގެ މެދުގައި ލޯބި ހޯދާފައިވާ އެކްޓަރު އަދި 2015 ވަނަ އަހަރުގެ ރީތީގެ ރާނީ މަގާމު ލިބުނު އުރްވަޝީ ބޮލީވުޑު ހަންގާމާއަށް ދިން އިންޓަވިއުއެއްގައި ބުނެފައިވަނީ ކައިވެނީގެ ހުށަހެޅުންތައް ވަރަށް ގިނައިން ލިބޭ ކަމަށެވެ. އެގޮތުން އެގޮތުން މިސްރުގެ ލަވަކިޔުންތެރިއެއްގެ ކިބައިގެން އެހުށަހެޅުން ލިބިފައިވާ ކަމަށް އޭނާ ބުންޏެވެ.

އުމުރުން 28 އަހަރުގެ އަހަރުގެ އުރުވަޝީ ބުނީ އެހުށަހެޅުން އޭނާ ގަބޫލުނުކުރީ އޭނާގެ އިތުރު ދެ އަނބިންނާއި ހަތަރު ކުދިން ތިބުމުންނެވެ. އަދި އޭނާ ކައިވެނިކޮށްގެން މިސްރަށް ދާން ބޭނުންވާތީ އާއި އޭނާވެސް މިސްރު ދޫކޮށް އިންޑިއާއަށް އަންނަ ބޭނުންނުވާތީ އެކަން ދޫކޮށްލީ ކަމަށް ވެސް އޭނާ ބުންޏެވެ.

އުރުވަޝީގެ އިންޓަވިއުގައި އެ ލަވަކިޔުންތެރިޔާގެ ނަން ހާމައެއް ނުކުރެ އެވެ.

ސޯޝަލް މީޑިއާގައި ބައެއް މީހުން ބުނެފައިވާ ގޮތުގައި އެއީ މިސްރުގެ ލަވަކިޔުންތެރިޔާ އަދި ރެޕާ މުހައްމަދު ރަމަދާން ކަމަށެވެ.

ރަމަދާން އާއެކު އުރުވަޝީ ވަނީ މިދިޔަ އަހަރު ލަވައެއްގައި މަސައްކަތް ކޮށްފަ އެވެ. އެ ލަވަޔަކީ މިދިޔަ އަހަރު ރިލީޒް ކުރި ލަވަތަކުގެ ތެރެއިން އެންމެ ބޮޑު ހޭދައެއް ކޮށްގެން ހެދި ލަވަ އެވެ.

https://www.instagram.com/p/CgQrlYWBZw4/?hl=en

އުރްވަޝީ ބޮލީވުޑަށް ތަޢާރަފްވެފައިވަނީ ފިލުމު ''ސިންގް ސަހަބް ދި ގްރޭޓް'' އިންނެވެ. އެއީ އެންމެ ފުރަތަމަ ކުޅުނު ކަންނާޑާ ފިލުމް ''މިސްޓަ އައިރަވޭޓާ'' އިންނެވެ.

އުރްވަޝީ ވަނީ މި އަހަރު އަބޫ ދާބީގައި ބޭއްވި އައިފާ އެވޯޑްސްގައި ބައިވެރިވެފަ އެވެ. އަދި ކަންސް ފިލްމު ފެސްޓިވަލް 2022 ގައި ވެސް ބައިވެރިވެފަ އެވެ.