ކެބިނެޓް ސެކްރެޓަރީއާއެކު ބީއެމްއެލްގެ ބޯޑު އެކަލަވާލައިފި
ކުރަފި ދެކެ ބިރުގަންނަނީ ކީއްވެ؟
ފަޅުތެރޭގައި މަރުވެފައި އޮއްވާ ފެނުނު މީހާ މިއަދު ވަޅުލަނީ
މިފަހަރު މިއޮތީ ދިވެހިންގެ މެދުގައި ވަރަށް މަގުބޫލު އެކަމަކު އަމިއްލައަށް ތައްޔާރު ކޮށްލަން ގިނަ ބަޔަކަށް އުނދަގޫ ކެއުމެކެވެ. މި ރެސިޕީ ތިޔަ ބޭފުޅުންނަށް ކަމުދާނެ ކަމަށް އުއްމީދު ކުރަމެވެ.
ބޭނުންވާނެ ތަކެތި
(ކުކުޅު ތައްޔާރު ކުރުމަށް)
- 600 ގްރާމު ކުކުޅު
- 300 ގްރާމު ޔޯގަޓް
- 2 މޭޒުމަތީ ސަމްސާ ޖިންޖާ ގާލިކް ޕޭސްޓް
- 1 ސައި ސަމުސާ ލޮނު
- 1 ސައިސަމްސާ ދިރި/ދަވިއްގަނދު
- 1 ސައިސަމްސާ ރީނދޫ
- 1 ސައިސަމްސާ ޗިކަން މަސާލާ
- 1 ސައިސަމްސާ މުގުރި މިރުސް
- 3 ކަރަންފޫ
- 1 ސައިސަމްސާ ލުނބޯ ހުތް
(ބަތް ތައްޔާރު ކުރުމަށް)
- 1 ސައިސަމްސާ ދިރި
- 5 ކަރަންފޫ
- 2 ކާފޫރު ތޮޅި/ފޮނިތޮށި (ބައި އިންޗި)
- 500 ގްރާމު ހަނޑޫ
- 1 ސައި ސަމްސާ ލޮނު
- 1.5 ލީޓަރު ފެން
- 200 ގްރާމު ފިޔާ
- 2 ސައިސަމްސާ ޖިންޖާ ގާލިކް ޕޭސްޓް
- 250 ގްރާމު ޓޮމާޓޯ
- 1 ސައިސަމްސާ ޗިކަން މަސާލާ
- 1 ސައިސަމްސާ ދަވިއްގަނދު (މުގުރާފައި)
- 1 މިރުސް
- 1 ސައިސަމްސާ ރީނދޫ
- 1 ސައިސަމްސާ ލޮނު
- 1 ޖޯޑު ކިރު ފޮދެއް
- 1 ފިޔާ (ތެލުލާފައި)
- ތެޔޮ
ތައްޔާރު ކުރާނެ ގޮތް
- ތަށްޓެއްގައި ކުކުޅު ތައްޔާރު ކުރުމަށް ބޭނުންވާނެ ހުރިހާ އެއްޗެއް އެއް ކުރުމަށްފަހު އޭގެ ތެރެއަށް ކުކުޅު އަޅާ، ކުކުޅުތަކުގައި ޕޭސްޓް އުނގުޅާށެވެ. ދެން ދެ ގަޑިއިރު ވަންދެން މެރިނޭޓް ކުރަން ބަހައްޓާށެވެ.
- ތެއްޔެއްގައި ތެޔޮފޮދު ހޫނުކޮށް، އޭގެ ތެރެއަށް ދިރި، ކަރަންފޫ، ކާފޫރުތޮޅި އަޅާ ތެލުލާށެވެ. އޭގެ ތެރެއަށް ހަނޑޫކޮޅު އަޅާލާ، ލޮނު ކޮޅުވެސް އަޅާށެވެ. ދެން ފެން އަޅައިގެން ބަތްކޮޅު ކައްކާލާށެވެ.
- އެހެން ތެއްޔެއްގައި ތެޔޮފޮދެއް ހޫނުކޮށް ފިޔާކޮޅު އަޅާ މުށި ކުލަ އަރަންދެން ހަނާކޮށްލާށެވެ. ޖިންޖާ ގާލިކް ޕޭސްޓް، ޓޮމާޓޯ އަޅައި އެއްކޮށްލާށެވެ. އޭގެ ތެރެއަށް ޗިކަން މަސާލާ، މިރުސް، ރީނދޫ، ލޮނު އަދި ދަވިއްގަނދު ކޮޅުއަޅައިގެން ހަނާކޮށްލާށެވެ.
- އެއަށްފަހު މި ހަވާދު ގަނޑު ތެރެއަށް މެރިނޭޓްކުރަން ބެހެއްޓި ކުކުޅު ކޮޅު އަޅާފައި އެއްކޮށްލާށެވެ. ކުކުޅު ކޮޅު ރޯފިލުމުން ބަތްކޮޅު އަޅައި އެއްކޮށްލާށެވެ. އޭގެ މައްޗަށް ތެލުލި ފިޔާކޮޅު އަޅާފައި އިރުކޮޅަކު ކައްކާލާށެވެ.
