ބެންކޮކް (ޑިސެމްބަރު 19) - ތައިލެންޑުގެ ކަނޑުގެ ސިފައިން ދަތުރުކުރި ބޯޓެއް ގަލްފް އޮފް ތައިލެންޑުގެ ތޫފާނެއްގައި ޖެހި އެ ބޯޓު ފެތުމުގެ ސަބަބުން 31 މީހުން ގެއްލިއްޖެ އެވެ.

އެޗްޓީއެމްއެސް ސުކޮތައި މަނަވަރުން 100 އަށް ވުރެ ގިނަ ސިފައިން ދަތުރުކުރި އެވެ.

ތައިލެންޑުގެ ކަމާބެހޭ އޮފިޝަލުން ބުނީ މިހާތަނަށް 75 މީހުން ސަލާމަތް ކޮށްފައިވާ ކަމަށެވެ.

ތައިލެންޑުގެ ކަނޑުގެ ސިފައިން ބުނީ މިއީ އަދި މިހާތަނަށް ދުވަހަކު ވެސް ހިނގާފައިވާ ހާދިސާއެއް ނޫން ކަމަށާއި ބޯޓު ފެތެން މެދުވެރި ސަބަބު ހޯދުމަށް ތަހުގީގެއް ހިންގާނެ ކަމަށެވެ. ތައިލެންޑުގެ ބޮޑުވަޒީރު ޕްރަޔަތު ޗަން-އޯ-ޗާ ވެސް ވަނީ މަނަވަރު ފެތުނު ހާދިސާގެ ތަހުގީގެއް ހިންގުމަށް ގޮވާލައްވައިފަ އެވެ.

ސަލާމަތްވި މީހުން ބުނި ގޮތުގައި ތޫފާނުގައި ތިން ފޫޓަށް ވުރެ އުސް ރާޅު ނެގި ކަމަށެވެ. ބޯޓު ފެތުނީ ބޯޓަށް ލޮނުވަދެ މަނަވަރުގެ ކަރަންޓު ވެސް ކެނޑިގެންނެވެ.