ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހަކީ އެމްޑީޕީގެ ތެރޭގައި މަގުބޫލު ބޭފުޅެއް ނޫން ކަމަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.

ރައީސް ނަޝީދު ނޫސްވެރިންނާ ބައްދަލުކުރައްވާ ވިދާޅުވީ ރައީސް ސޯލިހަކީ އެމްޑީޕީގެ ތާއީދުތަކެއް އެއްވެސް އިރެއްގައި އޮތް ބޭފުޅެއް ނޫން ކަމަށެވެ.

"މި ޕާޓީ އުފެދިގެން އެއްވެސް ދަތުރެއްގައި ބައިވެރިވެވަޑައިގެންފައެއް ނުވޭ. ހަމައެކަނި ކެމްޕޭން ދަތުރުތަކުގައި ބައިވެރި ވަޑައިގެންފަ ވަނީ،" ނަޝީދު ވިދާޅުވި އެވެ.

ނަޝީދު ވިދާޅުވީ، ރިޔާސީ ޓިކެޓް އެ މަނިކުފާނަށް ލިބިވަޑައިގަންނަވާ ހާލަތުގައި މުހިންމީ ރައީސް ސޯލިހާ އެކު މަސައްކަތްކުރެއްވުމަށް ވުރެ ބޮޑަށް، ޕާޓީއާ އެކު މަސައްކަތް ކުރެއްވުން ކަމަށެވެ. ވަކިން ހަމައެކަނި ރައީސް ސޯލިހުގެ ތާއީދު އޮތުމަކީ މުހިންމު ކަމެއް ނޫންކަމަށްވެސް ރައީސް ސޯލިހު ވިދާޅުވި އެވެ.

"އެނގިވަޑައިގަންނަވާނެ، ރައީސް ސޯލިހަކީ މި ޕާޓީގެ އެހެން ތާއީދުތަކެއް އެއްވެސް އިރެއްގައި އޮތް ބޭފުޅެއް ނޫން. މި ޕާޓީ އުފެދިގެން ރާއްޖެއިން ބޭރަށް ކުރި އެއްވެސް ދަތުރެއްގައި ބައިވެރިވަޑައިގެންފައެއް ނުވޭ. ހަމައެކަނި ކެމްޕެއިން ދަތުރުތަކުގައި ބައިވެރިވަޑައިގެންފައި ވަނީ،" ރިޔާސީ އިންތިހާބަށް ނުކުންނަވާއިރު، ރައީސް ސޯލިހްގެ ތާއީދު ބޭނުންފުޅު ނުވަނީ ކީއްވެގެންތޯ ކުރި ސުވާލުގެ ޖަވާބުގައި ނަޝީދު ވިދާޅުވި އެވެ.

ޑިމޮކްރެސީގެ ދަތުރު އެމްޑީޕީން ފެށިތާ ވަރަށް ގިނަ ދުވަސް ވެއްޖެ ކަމަށާއި މިވީހާތަނަށް ރައީސް ސޯލިހު ޖަލަށް އެއްވެސް ފަހަރަކު ވަޑައިގެންފައެއް ނުހުންނާނެ ކަމަށްވެސް ނަޝީދު ވިދާޅުވި އެވެ.

"ހަމައެކަނި އެންމެ ފަހު ދުވަހު ޖަލަށް ވަޑައިގެންނެވީ." ރައީސް ނަޝީދު ވިދާޅުވި އެވެ.

ކުރީގެ ރައީސް އަބްދުﷲ ޔާމީންއަކީ ތައުލީމީ ބޭފުޅެއް ކަމަށާއި އެމަނިކުފާނަކީ ތަންދޮރު އެނގިވަޑައިގަންނަވާ ވިޝަނެއް ހުރި ބޭފުޅެއް ކަމަށް ރައީސް ނަޝީދު ވިދާޅުވި އެވެ. ނަމަވެސް ރައީސް ސޯލިހަކީ އެފަދަ ބޭފުޅެއްކަމަށް ނުދެންނެވޭނެ ކަމަށްވެސް ވިދާޅުވި އެވެ.