ގިނަ ބައެއްގެ މަގުބޫލުކަން ހޯދި ހިންދީ ފިލްމު ކެރެކްޓަރެއް ކަމަށްވާ " މިސްޓާ އިންޑިއާ" އެނބުރި ބެލުންތެރިންނާ ހަމައަށް އަތުވެއްޖެ އެވެ.

މަޝްހޫރު އެކްޓަރު އަނިލް ކަޕޫރު ކުޅެދޭ މިސްޓާ އިންޑިއާ މިފަހަރު ފެނިފައިވަނީ ގޫގުލްގެ ފޯނެއް ކަމަށްވާ "ޕިކްސެލް 8"ގެ އިޝްތިހާރަކުންނެވެ.

އެ އިޝްތިހާރުގައި އަނިލް އޭނާގެ ކެރެކްޓަރުގެ ގޮތުގައި ގެއަކަށް ވަދެ ގޫގުލް ޕިކްސެލް ފޯނެއް ފެނޭތޯ މަސައްކަތް ކުރެ އެވެ. އެކަމުގެ ތެރެއިން މިސްޓާ އިންޑިއާގެ ބައެއް ސިފަތައް ވެސް ފެނިގެންދެ އެވެ.

އަނިލްގެ އިންސްޓަގްރާމްގެ ހުރިހާ ޕޯސްޓެއް ޑިލީޓް ކޮށްލުމަށްފަހު އެ އިޝްތިހާރުގެ ވީޑިއޯއެއް އެ ޕްލެޓްފޯމްގައި ހިއްސާ ކުރަމުން އަނިލް ބުނީ 38 އަހަރަށްފަހު "މިސްޓަ އިންޑިއާ" އެނބުރި އަތުވެއްޖެ ކަމަށެވެ

https://www.instagram.com/reel/CyqS6KOyyHJ/?utm_source=ig_embed&ig_rid=05a1bd3b-c355-41a6-9dd3-c2bf35997f1b

.މި އިޝްތިހާރާއެކު ގިނަ ބަޔަކު އަންނަނީ މީގެ 38 އަހަރު ކުރިން އަނިލް ހުރި ގޮތާ މިހާރާ މާ ބޮޑު ތަފާތެއް ނެތް ކަމަށް ބުނަމުންނެވެ.

މި އިޝްތިހާރު ހިއްސާ ކުރަމުން "މިސްޓާ އިންޑިއާ"ގެ ޕްރޮޑިއުސަރު އަދި އަނިލްގެ ބޭބެ ބޮނީ ކަޕޫރު ބުނެފައިވަނީ މިސްޓަ އިންޑިއާ ބޮޑު ސްކްރީންގެ ފެނިލުމަކަށް ތައްޔާރު ވަމުން އަންނަ ކަމަށެވެ.

1987 ވަނަ އަހަރު ނުކުތް "މިސްޓަ އިންޑިއާ"ގައި އަނިލްއާއެކު ފެނިގެންދިޔައީ ސްރީދޭވީ އެވެ. އެ ފިލްމަށް ބޮކްސްއޮފީހުގައި ބޮޑު ކާމިޔާބީއެއް ލިބުނެވެ.