ފަނޑިޔާރު ކަމަށް ކުރިމަތިލާން ޖުޑިޝަލް ސާވިސް ކޮމިޝަން (ޖޭއެސްސީ) ގެ މެމްބަރުކަމުން އަބްދުލްމާނިއު ހުސައިން އިސްތިއުފާ މިއަދު ދެއްވައިފި އެވެ.

އަބްދުލްމާނިއު އަކީ ގާނޫނީ ވަކީލުންގެ ތެރެއިން އިންތިހާބުކުރި ގާނޫނީ ވަކީލުގެ ގޮތުގައި ޖޭއެސްސީގައި އިންނަވާ މެންބަރެވެ.

މާނިއު ޖޭއެސްސީން އިސްތިއުފާ ދެއްވި ނަމަވެސް އެކަމާ ބެހޭ އިތުރު ތަފުސީލެއް ހާމައެއް ނުކުރައްވަ އެވެ.

ޖޭއެސްސީގެ މެންބަރުކަމަށް މާނިއު އައްޔަންކުރީ 2019 ގެ ޖުލައިގަ އެވެ.

މައުލޫމާތު ލިބިފައިވާ ގޮތުގައި މާނިއު ވަނީ މިހާރު ހުޅުވާލާފައިވާ ހައިކޯޓުގެ ފަނޑިޔާރުގެ މަގާމަށް ކުރިމަތިލުމަށް ނިންމާފަ އެވެ.