މިހާރު ކުރިއަށްދާ ކަރަން ޖޯހަރުގެ ޓޯކް ޝޯ "ކޮފީ ވިތު ކަރަން" ސީޒަން ހަތެއްގެ ކުރިއަށް އޮތް އެޕިސޯޑުގައި ފެނިގެންދާނެ މެހެމާނުން ދައްކާލައިފި އެވެ.

ޑިޒްނީއިން ދޫކޮށްލި ޓްރެއިލާގައި ފެނިގެންދަނީ އެކުގައި ގިނަ މަސައްކަތްތަކެއް ކޮށްފައިވާ އާއިލީ ގޮތުން ވެސް ކޮންމެވެސް ވަރެއްގެ ގުޅުމެއް އޮންނަ ރާނީ މުކަރްޖީއާއި ކާޖޮލް އެވެ.

އެޕިސޯޑުގެ އުސްއަލިތައް ޓްރެއިލާގެ ތެރެއިން ފެނިގެންދާއިރު ދެތަރިން ވެސް އެކުގައި ކުރެވިފައިވާ މަސައްކަތްތަކާ ބެހޭ ގޮތުން ވާހަކަ ދައްކާ މަންޒަރު ފެނެ އެވެ.

https://www.instagram.com/reel/C0I0Fi2INwD/?utm_source=ig_embed&utm_campaign=loading

އެގޮތުން ކާޖޮލްގެ ފިލްމު "ކަބީ ޚުޝީ ކަބީ ޣަމް"ގައި ރާނީގެ ހާއްސަ ފެނިލުމެއް ފެނުނުކަން ކާޖޮލް ހަނދާން ނެތުނުކަން ކަރަން ޖޯހަރު ފާހަގަ ކޮށްފައިވެ އެވެ.

"ކަބީ ޚުޝީ ކަބީ ޣަމް"ގެ އިތުރުން ރާނީއާއި ކާޖޮލް އެކުގައި ފެނުނު އެންމެ ފާހަގަ ކޮށްލެވޭ ފިލްމަކީ 1998 ވަނަ އަހަރު ނުކުތް "ކުޗް ކުޗް ހޯތާހޭ"އެވެ. އެއީ ވެސް ކަރަންގެ ފިލްމެކެވެ.