އާ އަހަރަށް ގިނަ ބަޔަކު ތަންތަނަށް ފުރަފުރައިގެން ދިޔަ ނަމަވެސް އެ ނަސީބު ނުލިބުނު ގިނަ ބަޔަކު ވެސް އުޅޭނެ އެވެ. އާއިލީ ސަބަބުތަކަށްޓަކަ އެވެ. ވަޒީފާއިން ޗުއްޓީ ނުލިބުނީތީ އެވެ. އެފަދަ ފަރާތްތަކަށް މިއޮތީ އުފާވެރި ހަބަރެކެވެ. އާ އަހަރާ ގުޅުވައިގެން މީޑިއާނެޓުން ދުރަށް ދައްކާ ޕްރޮގްރާމްތަކަކީ ހަމަ ގައިމުވެސް ގޭގައި ތިއްބެވު ބޭފުޅުން ފޫހި ފިލާނެ ކޮންޓެންޓްތަކެކެވެ.

އައިޓީއޭ އެވޯޑްސް 2023

23 ވަނަ އިންޑިއަން ޓެލެވިޒަން އެވޯޑްސްއަކީ އިންޑިއާގެ ޓީވީތަކުން ދުރަށް ދައްކާ ދިވެހިންގެ މެދުގައިވެސް މަގުބޫލު ޓީވީ ސީރީޒްތަކުގެ މެދުގައި ދެވޭ އެވޯޑެކެވެ. މި އަހަރުގެ އެވޯޑްގެ ޓީވީ ޕްރިމިއާ 31 ޑިސެމްބަރުވާ ދުވަހުގެ ރޭގަނޑު 07:00 ގައި މީޑިއާނެޓް ޗެނަލް 600 (ސްޓާ ޕްލަސް) އިން ދައްކާނެ އެވެ.

ކެޓް އެންޑް ޑޯގްސް

2001 ވަނަ އަހަރު ނުކުތް ހޮލީވުޑްގެ ސްޕައި ކޮމެޑީ، "ކެޓްސް އެންޑް ޑޯގްސް"އަކީ އާއިލާ އެކުގައި ބަލާލަން ހަމަ އެންމެ ރަނގަޅު ފިލްމެކެވެ. އާ އަހަރާ ދިމާކޮށް މީޑިއާނެޓްގެ ޗެނަލް 808 (ހިޓް މޫވީސް)އިން މި ފިލްމު ދުރަށް ދައްކާނެ އެވެ. ފިލްމު ފެށޭނީ 31 ޑިސެމްބަރުގެ ހަވީރު 05:00ގަ އެވެ.

ޕްރިމިއާ ލީގު

ފުޓުބޯޅައަށް ލޯބިކުރާ ފަރާތްތަކަށް ވެސް އާ އަހަރު ފޫހި ބަންދަކަށް ނުވާނެ އެވެ. އިނގިރޭސި ޕްރިމިއާ ލީގުގެ މެޗުތައް މީޑިއާނެޓްގެ ސްޕޯޓްސް ޗެނަލްތަކުން މުޅި ހަފްތާ ބަންދުގައި ދައްކާނެ އެވެ. އޭގެ ތެރޭގައި ފޯރިގަދަ ވާދަވެރި މެޗުތައް ވެސް ހިމެނެ އެވެ.