ޕާކިސްތާނުގެ ބަތަލާ އަޔޭޒާ ޚާން ފިލްމީ ދާއިރާއަށް ދުރަން ދިޔުމަށް ނިންމައިފި އެވެ.

ބަތަލާ އަޔޭޒާ ޚާން ވަނީ މަޝްހޫރު ޑްރާމާތަކަކުން ފެނިގެން ގޮސްފަ އެވެ. ދިހަ އަހަރު ފިލްމީ ދާއިރާގައި ހޭދަކުރުމަށްފަހު އަޔޭޒާ ވަނީ ފިލްމީ ދާއިރާ ދޫކޮށްލަން ނިންމާފަ އެވެ.

މިވަގުތު އަޔޭޒާ ދަނީ ހަމްޒާ އަލީ އައްބާސީއާ އެކު ކުޅޭ މަޝްހޫރު ޑްރާމާ ސީރީޒް "ޖާން-އީ-ޖަހާން"ގައި މަސައްކަތް ކުރަމުންނެވެ. މިސީރީޒް ނިމުމުން ފިލްމީ ދާއިރާއިން ދުރަށް ދިޔުމަށް ވަނީ ނިންމާފަ އެވެ.

ބަތަލާ އަޔޭޒާ އޭނާގެ އިންސްޓަގްރާމް ސްޓޯރީގައި ކުރި ޕޯސްޓެއްގައި ބުނެފައިވަނީ މިއީ އޭނާގެ އެންމެ ފަހު މަސައްކަތް ކަމަށެވެ. ދެން ފިލްމީ ދާއިރާއިން ނުފެންނާނެ ކަމަށްވެސް އޭނާ ބުންޏެވެ.

https://www.instagram.com/p/C6YgdUgNKsS/?utm_source=ig_embed&ig_rid=5d384500-3921-40f1-b9ec-c4345aad86c6

އަޔޭޒާ ފިލްމީ ދާއިރާއަށް ނިކުމެފައިވަނީ 2009 ވަނަ އަހަރު ރިލީޒްކުރި "ތުމް ޔޯ މިލޭ" އިންނެވެ.