މަޖިލީހުން ހެދީ ދުނިޔޭގެ ރިކޯޑެއްތޯ މައުމޫން ސުވާލުކުރައްވައިފި
ނަތަންޔަހޫ ހައްޔަރުކުރަން އައިސީސީން އަމުރެއް ނެރެފި
ބޮއޮލޮޖިކަލް އުމުރު ދަށްކުރާނެ ގޮތް ބުނެދީފި
ހުޅުމާލޭގެ ގުދަނެއްގައި އަލިފާން ރޯވެ ވަރަށް ބޮޑަށް ގެއްލުން ވެއްޖެ އެވެ.
ހުޅުމާލެ ވައިޓް ބީޗް ކައިރީ ހުރި ގުދަނެއްގައި އަލިފާނުގެ ހާދިސާއެއް ހިނގައިގެން ފަޔާ އެންޑް ރެސްކިއުއިން ހަރަކާތްތެރިވެފައިވާ ކަމަށް އެމްއެންޑީއެފުން ބުންޏެވެ.
ރޭ މެންދަމު 2.43 ހާއިރު ހިނގި މިހާދިސާގައި އެއްވެސް މީހަކަށް އަނިޔާއެއް ނުވާ ކަމަށް އެމްއެންޑީއެފުން ބުންޏެވެ.
އަލިފާނުގެ ހާދިސާ ހިނގި މިގުދަނުގައި ހުރީ އިންޖީނާއި އޭގެ ސާމާނު ކަމަށް ވެސް އެމްއެންޑީއެފުން ބުންޏެވެ.
"ހުރިހާ"އަށް އެނގިފައިވާ ގޮތުގައި އެ ގުދަނީ ވިލުފުށީ ދާއިރާގެ ކުރީގެ މެމްބަރު ރިޔާޒް ރަޝީދުގެ ގުދަނެކެވެ.
ހުޅުމާލޭގައި މީހުން ދިރިއުޅޭ ސަރަހައްދެއްގައި އެއްވެސް އެއްޗެއް ގުދަންކުރުމަކީ މަނާކަމެކެވެ. ނަމަވެސް މީހުން ދިރިއުޅޭ ގެތަކުގަ އާއި އެ ސަރަހައްދުގައި ހުންނަ ތަންތަނުގައި ގަވައިދާ ހިލާފަށް ކެމިކަލާއި އެނޫން ވެސް ބައެއް ތަކެތި ރައްކާކުރެ އެވެ.
