ހޮލީވުޑްގެ މަޝްހޫރު އެކްޓްރެސް ބްލޭކް ލައިވްލީގެ އަމިއްލަ ހެއާކެއާ ބްރޭންޑް "ބްލޭކް ބްރައުން" ބޮއިކޮޓް ކުރަން ގޮވާލަމުން އެބަދެ އެވެ.

ބްލޭކްއާ ދެކޮޅަށް އެކްސްގައި އެންޓި ކެމްޕެއިން ކުރިއަށް ގެންދާއިރު އޭނާގެ އުފެއްދުންތަކުގެ ވިޔަފާރި ބޮޑުތަނުން ދަށްވެފައިވާ ކަމަށް ހަބަރުތައް ބުނެ އެވެ. އެގޮތުން މަޝްހޫރު ވިޔަފާރި ޗެއިން "ޓާގެޓް"އިން ބްލޭކްގެ އުފެއްދުންތައް ގަތް މީހުން އެތަކެތި އަނބުރާ "ރިޓާން" ކުރަމުން އަންނަ ކަމުގެ ރިޕޯޓުތައް ވެސް ވަނީ ފެތުރިފަ އެވެ.

މީގެ އިތުރުން ވެސް އިންޓަނެޓުގައި އެ ބްރޭންޑަށް ނެގެޓިވް ރިވިއުތައް ލިބެމުން އަންނައިރު ބްރޭންޑްގެ ޖުމްލަ އާމްދަނީ ވެސް ވަނީ ދަށްވެފަ އެވެ.

ބްލޭކްގެ ބްރޭންޑް ބޮއިކޮޓް ކުރަން ގޮވާލަމުން މިދަނީ އޭނާގެ އެންމެ ފަހުގެ ފިލްމު "އިޓް އެންޑްސް ވިތު އަސް"ގެ ފިރިހެން ލީޑު ތަރި ޖަސްޓިން ބެލްޑޯނީއާ ޖެހުނު މައްސަލައެއްގައި ހޫނު ފެނަށް ވެއްޓިފައި ވަނިކޮށެވެ.

ހަތް އަހަރު ދުވަހުގެ މަސައްކަތަށްފަހު މިދިޔަ ޖުލައި މަހު ބްލޭކް ތައާރަފްކުރި ހެއާކެއާ ބްރޭންޑްގައި ޝޭމްޕޫއާއި ހެއާ މާސްކް ފަދަ އުފެއްދުންތައް އެކުލެވެ އެވެ.