އައިޝްވާރްޔާ ރާއީއަކީ އެއްވެސް ޝައްކެއް ނެތް ގޮތުގައި ބޮލީވުޑްގެ އެންމެ މުއްސަނދި އަންހެން ތަރިންގެ ތެރޭގައި ގުނާލެވޭ ތަރި އެކެވެ. އޭނާގެ މުޅި މިލްކިއްޔާތުގައި 776 ކްރޯޑް އިންޑިއާ ރުޕީސް ހުރިއިރު އޭގެ ތެރޭގައި ފާހަގަކޮށްލެވޭ ބައެއް މުދާތައް ވެސް އެބަހުއްޓެވެ.

ދުބާއީއިން ގެއެއް

ދުބާއީގެ އެންމެ އަގުބޮޑު އެއް ސަރަހައްދު ކަމަށްވާ ޖުމައިރާ ގޯލްޑް އެސްޓޭޓުން 5 ކޮޓަރީގެ ބޮޑު ގެއެއް އައިޝްވާރްޔާ ގަނެފައިވަނީ 15 ކްރޯޑް ރުޕީސް އަށެވެ. އޭގެ އިތުރުން މުމްބާއީގެ ބެންޑްރާގައި ވެސް އައިޝްވާރްޔާގެ ގެއެއް ހުރެ އެވެ.

ވަރުގަދަ ކާރު ކަލެކްޝަނެއް

އައިޝްވާރްޔާގެ މިލްކިއްޔާތުގައި އެއްކާރަށްވުރެ ގިނަ ކާރު ހިމެނޭއިރު އޭގެ ތެރެއިން ވެސް އެންމެ ފާހަގަކޮށްލެވެނީ 6.95 ކްރޯޑް ރުޕީސްގެ އަގުބޮޑު ރޯލްސް ރޯއީސް ކާރެކެވެ. މީގެ އިތުރުން ވެސް އޭނާގެ ކާރު ކަލެކްޝަނުގައި އޯޑީއާއި މާސިޑީޒް ފަދަ ކާރުތައް ވެސް ހިމެނެ އެވެ.

އަގުބޮޑު ކައިވެނީގެ ހެދުމެއް

2007 ވަނަ އަހަރު އައިޝްވާރްޔާ އަބީޝޭކް ބައްޗަންއާ ކައިވެނި ކުރިއިރު އޭނާ ލައިގެން ހުރީ ނީތާ ލައްލާ ފަރުމާ ކޮށްފައިވާ ކައިވެނީގެ ހެދުމެކެވެ. ބުނެވޭ ގޮތުގައި އެ ހެދުމުގެ އަގު އެކަނި ވެސް 75 ކްރޯޑް ރުޕީސްއަށް އަރަ އެވެ.