ހުޅުމާލޭގެ ދެވަނަ ފިޔަވަހީގައި ހަދާފައިވާ ހިޔާގެ ޓަވަރަކުން ކުއްޖަކު ވެއްޓި މަރުވެއްޖެ އެވެ.

ފުލުހުން ބުނީ މިރޭ 1:26 ހާއިރު ހިޔާ ފްލެޓްގެ އެޗް5 ޓަވަރުން ވެއްޓިފައިވަނީ 16 އަހަރުގެ ދިވެހި ފިރިހެން ކުއްޖެއް ކަމަށެވެ.

ފުލުހުން ބުނީ މި ހާދިސާގެ މައުލޫމާތު ފުލުހުންނަށް ރިޕޯޓްކޮށްފައިވަނީ މިރޭ 1:30 ހާއިރު ކަމަށެވެ. ނަމަވެސް އެ ކުއްޖާ ވެއްޓެން ދިމާވި ސަބަބެއް ފުލުހުން ނުބުނެ އެވެ.

ކުއްޖާ ހޮސްޕިޓަލަށް ގެންދިޔައިރުވެސް މަރުވެފައިވާ ޑޮކްޓަރުން މައުލޫމާތު ދީފައިވާ ކަމަށްވެސް ފުލުހުން ބުންޏެވެ.

ފުލުުހުން ބުނީ މިމައްސަލަ އިތުރަށް ތަހުގީގު ކުރަމުންދާ ކަމަށެވެ.

ހިޔާ ޓަވަރަކުން މީގެ ކުރިން ވެސް ކުއްޖަކު ވެއްޓި މަރުވުމުގެ ހާދިސާތައް ހިނގާފައިވެ އެވެ.