ވިނަރެސް ފްލެޓްތަކެއް ވެސް "ވަގަށް" ވިއްކާލައިފި
އަކްރަމް ކަމާލުއްދީންގެ ޕާސްޕޯޓް ވެސް ހިފަހައްޓައިފި
އެއް ތަރިއެއް، އެއް ހެދުމެއް، އެކަމަކު ވަރަށް ތަފާތު!
6،500 މީހުންނާއެކު އުރީދޫ ފަން ރަން ހުޅުމާލޭގައި އިއްޔެ ބާއްވައިފި އެވެ
މި ދުވުން ޝަރަފުވެރިކޮށްދެއްވީ ނައިބު ރައީސް ހުސެއިން މުހައްމަދު ލަތީފެވެ.
އުރީދޫން ބުނިގޮތުގައި މި ހަރަކާތުގައި ހުޅުމާލެ އަކީ ކުލައާއި ފޯމާއި އުފާވެރިކަމުގެ ކާނިވަލަކަށް ބަދަލުވެގެން ދިޔަ އެވެ. ކޮންމެ ކިލޯމީޓަރެއް ނިމޭ ހިސާބުގައި މަޖާ ހަރަކާތަކާއެކު ފޯމް ސްޓޭޝަންތަކާއި ކުލަ އާއި ދިއުމާއި އުފާވެރި އޮބްސްޓެކަލް ޗެލެންޖުތަކާއެކު ފުރިހަމަކޮށްފައިވާ މި މަޖާ ދުވުމުގައި ހުރިހާ އުމުރެއްގެ މީހުން ވެސް ބައިވެރިވި ކަމަށް އެ ކުންފުނިން ބުނެ އެވެ.
"މި ހަރަކާތުން ދައްކުވައިދެނީ ދުޅަހެޔޮ ދިރިއުޅުމެއް އަށަގެންނެވުމަށާއި ރާއްޖޭގެ އެކި ކަންކޮޅުތަކުގައި ދިރިއުޅޭ އާއިލާތަކަށާއި ފަރުދުންނަށް ހަނދާން ނައްތާނުލެވޭ ފަދަ ވަގުތުތަކެއް އުފެއްދުމަށް އުރީދޫއިން ކުރަމުން އަންނަ މަސައްކަތް،" އުރީދޫން ބުންޏެވެ.
އުރީދޫ މޯލްޑިވްސްގެ ޗީފް އެގްޒެކެޓިވް އޮފިސަރު ޚާލިދު އަލް ހަމާދީ ވިދާޅުވީ މުޖުތަމައުގެ ފަރާތުން މިހާ ބޮޑު ބައިވެރިވުމަކާއި ހިތްވަރެއް ފެނުމުން ވަރަށް އުފާވާ ކަމަށެވެ.
"ފަން ރަން އަކީ ހަމައެކަނި ދުވުމަކަށް ވުރެ މާ ބޮޑު ދުވުމެއް. މިއީ އުފާވެރިކަމާއި އެކުވެރިކަމާއި ހަރަކާތްތެރި ދިރިއުޅުމުގެ އުފަލެއް،" ޚާލިދު އަލް ހަމާދީ ވިދާޅުވި އެވެ.
އުރީދޫ ފަނަ ރަން 2025ގައި ފުވައްމުލަކަށް
ހުޅުމާލެ އެޑިޝަންގެ ބޮޑު ކާމިޔާބީއަށް ފަހު ކުރިއަށް އޮތް ފަން ރަން ފުވައްމުލަކުގެ ރީތި ހިތްގައިމު މާހައުލުގައި ބާއްވަން ނިންމާފައިވާ ކަމަށް އެ ކުންފުނިން ބުނެ އެވެ. އަދި ރަޖިސްޓްރީގެ ތަފްސީލާއި އަޕްޑޭޓް ހޯދުމަށް އުރީދޫގެ ސޯޝަލް މީޑިއާ ޗެނަލްތަކަށް ސަމާލުކަން ދިނުމަށް ބައިވެރިންނަށް ވަނީ ބާރު އަޅާފަ އެވެ.
އުރީދޫ މޯލްޑިވްސް އިން ވަނީ ހުޅުމާލޭގައި ކުރިއަށް ގެންދިޔަ ފަން ރަން އަކީ ހަނދާން ނައްތާނުލެވޭ ފަދަ ތަޖުރިބާއަކަށް ހަދައިދިން ވޮލަންޓިއަރުންނާއި ޕާޓްނަރުންނާއި ބައިވެރިންނަށް ވަރަށް އިޚްލާޞްތެރިކަމާއެކު ޝުކުރު އަދާކޮށްފަ އެވެ
