ބޮޑުވަމުން އަންނަ ކުދިންގެ ސިކުނޑި ތަރައްގީވުމުގައި ކާނާއަކީ މުހިއްމު ދައުރެއް އަދާކުރާ އެއްޗެކެވެ. ރަނގަޅު ކާނާ ލިބޭނަމަ ކުދިންގެ ސިކުނޑި ތަރައްގީވެ، ތޫނުފިލިވެ އެވެ. މި ލިޔުމުގައި މި ބަލާލަނީ އެފަަދަ ބައެއް ކެއުންތަކަށެވެ.

ވޯލްނަޓް

ވޯލްނަޓް އަކީ ހިތުގެ ދުޅަހެޔޮ ކަމަށާއި އެންޓި އިންފްލެމަޓޮރީގެ އިތުރުން ފައިދާހުރި އަލްފާ އިލްނޮލެނިކް އެސިޑް އިން މުއްސަދިވެފައިވާ މަދެކެވެ.

އަލްފާ އިލްނޮލެނިކް އެސިޑް ނުވަތަ އޭލެލްއޭ އަކީ ސިކުޑީގެ ދުޅަހެޔޮކަން އިތުރުކޮށްދޭ މާއްދާ އެކެވެ. އޭގެ އިތުރުން ސިކުނޑީގައި ލޭ އަދި އޮކްސިޖަން ދައުރުކޮށްދިނުމަށް އެހީވެދެ އެވެ.

އެވޮކާޑޯ

މިއީ ވަރަށް ފައިދާ ހުރި މޭވާއެކެވެ. ވިޓަމިން ކޭ އަދި ފޮލޭޓް އެކުލެވުމުގެ ސަބަބުން ސިކުޑީގައި ލޭ ގަނޑުވުމުން ދުރުކޮށްދެ އެވެ.

އެއާއެކު އެވޮކާޑޯއަކީ ކުދިންގެ ވިސްނުން ތޫނުކޮށްދީ ކަންކަމަށް ސަމާލުކަން ދިނުމަަށް އެހީވެދެ އެވެ. ހަމަ އެހެންމެ އެވަކާޑޯ އަކީ ފައިދާހުރި ފެޓްސް ހިމެނޭ ލޭގެ ޕްރެޝަރު ދަށްކޮށް ދިނުމަށް އެހީވެދޭ މޭވާ އެކެވެ.

ސަމޮން

ސަމޮން ނުވަތަ ފެޓީ ފިޝް އަކީ ސިކުޑީގެ ދުޅަހެޔޮކަމަށް އެންމެ ފައިދާހުރި ކާނާ އެެވެ. ސަމޮންގައި ގިނަ އަދަދަކަށް އޮމޭގާ 3 ގެ ފެޓީ އެސިޑް ހިމެނެ އެވެ. އޭގެ ސަބަބުން ވިސްނުމުގެ ސްޕީޑް އިތުރުކޮށްދީ ވިސްނުން ތޫނުކޮށްދެ އެވެ.

ސަމޮން ނުކެވޭނަމަ އޮމޭގާ 3 ހިމެނޭ ކާނާ ކުދިންގެ ކެއުމުގައި ގިނަ ކުރާށެވެ. އޭގެ ތެރޭގައި ބަރަބޯ، ފުލެކްސް ސީޑް އަދި ޗިއާ ހިމެެނެ އެވެ.